Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 489 Razzazi
Strict Standards: Only variables should be passed by reference in /customers/a/1/3/razzazi.se/httpd.www/inc/show.news.php on line 140 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 548 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 549 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 563 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 489 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 548 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 549 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 563 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 489 Deprecated: preg_replace(): The /e modifier is deprecated, use preg_replace_callback instead in /customers/a/1/3/razzazi.se/httpd.www/inc/show.news.php on line 227 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 548 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 549 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 563 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 489 Deprecated: preg_replace(): The /e modifier is deprecated, use preg_replace_callback instead in /customers/a/1/3/razzazi.se/httpd.www/inc/show.news.php on line 228

موشته‌با میرزاده‌، كێیه‌؟!

ژیانی موشته‌بای میرزاده‌ ئاوێنه‌ی وێنه‌نوینی سه‌رگوریشته‌ی كه‌سێكه‌ كه‌ به‌لای كه‌مه‌وه‌ له‌ بێفه‌رهه‌نگترین ره‌ده‌ی كۆمه‌ڵگا ده‌ستی پی كردووه‌ و له‌ مووزیكدا گه‌یشتۆته‌ پله‌ی باڵای لیوه‌شاوه‌یی! موشته‌با میرزاده‌ له‌ شاری كوردنشینی (شاهاوا یان مه‌نده‌لی كۆن)ی سه‌ر به‌ پارێزگای كرماشان له‌ دایك بووه‌!! شاریك كه‌ تییدا له‌ گه‌ڵ مووزیكاران و گۆرانیبێژان، به‌ شێوه‌یه‌كی باش هه‌ڵسوكه‌وت نه‌ده‌كرا! له‌ ناو خانه‌وده‌كه‌یدا مووزیك به‌ هیچ جۆرێك بوونی نه‌بوو! میرزاده‌ كه‌ له‌ منداڵییه‌وه‌ شه‌یدای مووزیك بوو، له‌ پشت ده‌رگای خانووی هاوسێكه‌یانه‌وه‌ كه‌ رادیۆیان هه‌بوو، بێوچان به‌سه‌عاتان گوێی له‌ رادیۆ راده‌گرت و كاتێ كه‌ مووزیك بڵاو ده‌بووه‌وه‌، به‌ تاسه‌وه‌ كه‌ڵكی لێوه‌رده‌گرت! پاشان له‌گه‌ڵ ماڵه‌وه‌یان چوون بۆ (ایلام غرب، یان ئیلامی رۆژاوا)! ئیلام له‌باری هه‌ڵكه‌وتی جوغرافیایییه‌وه‌ بنبه‌ست و له‌و سه‌رده‌مه‌دا كولتووریكی لادێیانه‌ی به‌سه‌ردا زاڵ بوو! له‌وێ رێگایه‌ك بۆ پێشكه‌وتن بوونی نه‌بوو!

موشته‌با بۆ خۆی ده‌ڵێ: بۆ یه‌كه‌مینجار، چه‌ند ژێرپیاڵه‌ و ده‌وری (قاپ)م پێكه‌وه‌ داده‌نا و تێده‌كۆشام ده‌نگیان لێوه‌ ده‌رێنم و مووزیك لێبده‌م! كاتێ كه‌ ناهومێد ده‌بووم، هه‌ر ئه‌و كاره‌م به‌ راستا، یان خه‌تكێشیك ده‌ست پێده‌كرده‌وه‌! له‌ ناو پۆلی خوێندنگه‌دا تێخی ریشتاشینم به‌ شێوه‌ی كورت و درێژ، به‌ جۆرێك كه‌ هیچكام له‌ تێخه‌كان یه‌ك ئه‌ندازه‌ نه‌بن، ده‌چه‌قانده‌ ناو سه‌نده‌ڵێیه‌كه‌ و هه‌ركام له‌م تێخانه‌ش ده‌نگێكی تایبه‌تی لێوه‌ ده‌رده‌هات كه‌ وه‌كوو یه‌ك نه‌بوون! دوای ماوه‌یه‌ك ته‌مرین توانیم به‌م تێخانه‌ میلۆدی دابنێم! ئه‌م زه‌حمه‌ته‌ سه‌ره‌تاییانه‌ هه‌روه‌ها درێژه‌ی هه‌بوو تا ئه‌وه‌ی كه‌ فلووتێكم وه‌ده‌ست خست! ئه‌و فلووته‌ سه‌رپاك كاتی شه‌وورۆژه‌كانی منی داگیر كرد! ماوه‌یه‌ك تێپه‌ڕی تا توانیم ئه‌ویش وه‌ده‌نگ بێنم!
له‌وانه‌یه‌ وا وێنا بكرێ كه‌ باسی ئه‌م ورده‌كارییانه‌ هیچ پێوه‌ندییه‌كی به‌ مووزیكی فیلمه‌وه‌ نه‌بێ، به‌ڵام به‌ وه‌بیرهێنانه‌وه‌ی ئه‌م ورده‌كارییانه‌ ده‌مه‌وێ نیشانی بده‌م كه‌ هونه‌رمه‌ندێكی ئاوه‌ها تووشی چ بارودۆخێكی مه‌ینه‌تبار و داخهێنه‌ر بووه‌!
ئاوازدانه‌ره‌ رۆژاواییه‌كان بێ هیچ هه‌ڵاواردنێك به‌ به‌هره‌وه‌رگرتن له‌ زۆربه‌ی ئیمكانات، به‌هاسانی له‌ كۆنسیرواتواره‌كان و كۆمه‌ڵه‌گه‌وره‌كانی مووزیك ده‌ست به‌ خوێندن ده‌كه‌ن و به‌ هاسانی پله‌باڵاكانی مووزیك ته‌واو ده‌كه‌ن! له‌ حاڵێكدا ئاوازدانه‌ره‌كانی ئێمه‌ بۆ وه‌ده‌سهێنانی سازێك ده‌بێ به‌ندبه‌ندی جه‌سته‌یان بخه‌نه‌ ژێر رێژنه‌ی سامناكی رووداوه‌كان! له‌ رێگای سه‌رنجدان به‌م ورده‌كارییانه‌وه‌یه‌ تێده‌گه‌ین كه‌ ئێمه‌ بۆچی مووزیكزانانێكی وه‌كوو چایكۆفسكی، یان لانیكه‌م بیرنیشتاینمان تێدا هه‌ڵنه‌كه‌وتووه‌!!!

میرزاده‌ ده‌ڵێ: خه‌ڵكی دیكه‌ له‌ گه‌ڵ باوكم ده‌یاننایه‌ تاڵوزاخ و سه‌ركۆنه‌یان ده‌كرد كه‌ له‌م كاره‌ شه‌رمهێنه‌رانه‌یه‌ی من به‌رگری بكا! ده‌تگوت من كۆمه‌ڵگه‌م بۆ ئه‌م شه‌ڕه‌ بانگ كردبوو! باوكم هه‌میشه‌ له‌گه‌ڵما قڕه‌ی ده‌كرد و به‌ هه‌موو جۆرێك ئازاری ده‌دام تا به‌ڵكوو ده‌س له‌ مووزیك هه‌ڵگرم و ئابڕووی له‌ شاره‌كه‌دا بپارێزم!

میرزاده‌ به‌ هه‌ر جۆرێك ده‌بێ، له‌گه‌ڵ ئه‌م هه‌موو گیروگرفته‌دا هه‌ڵده‌كا، تا ئه‌وه‌ی كه‌ برا گه‌وره‌كه‌ی به‌ڕێكه‌وت سه‌نتوورێك ده‌كڕێ! میرزاده‌ له‌ یه‌ك دوو مانگی سه‌ره‌تادا تێكۆشاوه‌ كه‌ چه‌ند پارچه‌یه‌ك لێ بدا، به‌ڵام مووزیك هه‌ست و ئه‌شقی ده‌وێ! ئه‌گه‌ر گڕی مووزیك له‌ دڵدا نه‌بێ، ده‌سوه‌ردانه‌ ساز، ئینسان به‌ ته‌واوه‌تی ماندوو ده‌كا!

میرزاده‌ ده‌ڵێ: براكه‌م هه‌ر كه‌ یه‌ك دوو مانگ سه‌ری نایه‌سه‌ر سه‌نتووره‌كه‌ و تیگه‌یشت كه‌ بۆی ناچێته‌ پێش، ده‌ستی له‌ تێكۆشان هه‌ڵگرت و سازه‌كه‌ی به‌حاڵی خۆی دانا! من له‌و هه‌له‌ كه‌ڵكم وه‌رگرت و سازه‌كه‌م عه‌یره‌تی لێ وه‌رگرت! ،ئه‌م سازه‌ ئیتر نه‌گه‌ڕایه‌وه‌ بۆ لای، منیش بێ هیچ مامۆستا یا فێركارێك به‌ هه‌ر گیانكه‌نشتێك بوو، له‌ ماوه‌ی شه‌ونخوونیگه‌لێكی زۆر، فێری لێدانی سه‌نتوور بووم و یه‌كه‌مین كه‌سێك بووم كه‌ له‌ ئیلام بۆ سازلێدان هه‌نگاوم هه‌ڵگرت!
به‌م شێوه‌یه‌ میرزاده‌ نه‌ ته‌نیا به‌سه‌ر خۆیه‌وه‌، كه‌ له‌م باره‌یه‌وه‌ به‌سه‌ر خه‌ڵكی ئیلامیشه‌وه‌ هه‌قی هه‌یه‌، به‌هه‌رحاڵ جێگه‌ی له‌ناو خانه‌واده‌كه‌یدا داسه‌پینرا! ئه‌گه‌ریش قه‌رار بوو تێكۆشانی ئه‌و خه‌ته‌رێك بۆ ئابڕووی خانه‌واده‌كه‌ی بێنێته‌ پێش، تا ئه‌و كاته‌ی هه‌ر رووداویك كه‌ له‌وانه‌ بوو روو بدا، رووی دابوو! له‌به‌ر ئه‌مه‌ میرزاده‌ به‌ شوێن هه‌ر هه‌ڵكه‌وتێكدا، پاودانیكی دیكه‌ی بۆ خۆی وه‌ده‌س ده‌هێنا!

میرزاده‌ ده‌ڵێ: پیاوێكی خه‌ڵكی تاران له‌ ئیلام بوو كه‌ ناسیاوی باوكم بوو! ئه‌و پیاوه‌ له‌ مووزیكدا شه‌وقوزه‌وقی هه‌بوو و ڤیۆلۆنی لێ ده‌دا! ئه‌و كه‌ زانی من ناته‌واو سه‌نتوور لێده‌ده‌م بنه‌مای سه‌ره‌تایی ڤیۆلۆنی پێ فێر كردم! هه‌ر ئه‌ویش بوو كه‌ پێی داگرت و باوكمی ناچار كرد كه‌ ڤیۆلۆنم بۆ بكڕێ! به‌مجۆره‌ من بۆ یه‌كه‌مینجار بۆخۆم بووم به‌ خاوه‌ن سازێكی درووست و حیسابی! له‌ ماوه‌ی پێنج مانگدا ئه‌وه‌نده‌ ته‌مرینم كرد كه‌ توانیم له‌سه‌ر شانۆی ده‌بێرستان به‌ ڤیۆلۆن كۆنسێرت بده‌م! دژایه‌تی باوكمیش هه‌روه‌ها درێژه‌ی هه‌بوو! زۆر جار (كه‌رۆكه‌ یا كه‌ریله‌)ی ڤیۆلۆنه‌كه‌ی لێده‌شاردمه‌وه‌! منیش ناچار ده‌بووم بۆ كه‌ڵكوه‌رگرتن له‌ سازه‌كه‌ قوتیله‌یه‌كی به‌تاڵی واكس یان بۆیاخ بنێمه‌ ژێر ته‌له‌كان! به‌م چه‌شنه‌ به‌ هه‌ر خوێندڵخواردنێك بوو، به‌ شێوه‌یه‌كی تا راده‌یه‌ك ته‌واو، خۆمم فێری ڤیۆلۆن كرد!

میرزاده‌ ساڵی 1961 به‌ هۆی ئه‌و ڤیۆلۆنیسته‌ی كه‌ یارمه‌تی ده‌دا و هانی ده‌دا بۆ فێربوون، ده‌ڕواته‌ رادیۆ كرماشان و له‌وێ له‌گه‌ڵ چه‌ند مۆسیقاری دیكه‌ی وه‌كوو عه‌بدولسه‌مه‌دی و یووسفزه‌مانی و هیدیكه‌ له‌و رادیۆیه‌دا ده‌ستی به‌ ژه‌نینی سازی ڤیۆلۆن كرد و له‌گه‌ڵ گۆرانیبێژگه‌لێكی وه‌كوو حه‌سه‌ن زیره‌ك و خالقی و خه‌لیلی سدێقی و ئه‌لبورزی و زۆرێكی دیكه‌دا كاری كرد، به‌ڵام دوای ئه‌وه‌ی كه‌ حه‌سه‌ن زیره‌ك له‌وێ نه‌ما موشته‌باش به‌ یه‌كجاریی چوو بۆ تاران و ئیتر تا كاتێ مرد، له‌وێ ژیا و خزمه‌تی به‌ مۆسیقای فارسی كرد. میرزاده‌ ساڵی 1967 چوو بۆ تاران و به‌ناچار چووه‌ لای مامۆستایه‌كی سروود كه‌ نۆته‌ی ده‌زانی، ده‌ستی به‌ خوێندن كرد! له‌ راستیدا به‌شداری له‌ (تاقیكردنه‌وه‌ له‌یه‌ك بڵاوه‌كان)، (امتحانات متفرقه‌)، كه‌ له‌ تاران ده‌درا و هه‌روه‌ها مرخ به‌ فێربوون، ئه‌ویش به‌ بۆنه‌ی ده‌ره‌تانێك كه‌ له‌ ناوه‌ند واته‌ تاراندا هه‌بوو، له‌ هه‌مووش گرنگتر ئه‌شقی سووتێنه‌ر به‌ كچێك كه‌ له‌ تاران ده‌ژیا و ئێستا هاوسه‌ریه‌تی، ده‌ستیان له‌ یه‌ك هه‌ڵپێكا و راكێشی تارانیان كرد!
موشته‌با ده‌ڵێ: كاتی گه‌یشتبوو كه‌ دڵهه‌ڵكه‌نه‌ی زێده‌كه‌م بم و بێمه‌ تاران! بۆ ئه‌م سه‌فه‌ره‌ ده‌لیلی زۆرم هه‌بوون! ئه‌وه‌ بوو كه‌ به‌ته‌نیا هاتمه‌ تاران و ژوورێكم له‌ (سه‌رسه‌بیل)، به‌ مانگێ (40 تمه‌ن) كرێ گرت! باوكم مانگانه‌ 100 تمه‌نی بۆ ده‌ناردم! ده‌بوو به‌ مانگێ 60 تمه‌ن، له‌ تاران ژیان به‌رمه‌ سه‌ر!

بۆ گه‌یشتن به‌ پله‌ی سه‌رووتر ده‌بێ تاوانێكی زۆر بدرێ! له‌ نێوان ئاوازدانه‌ره‌كانی هاڵیڤوودی ئامریكا، هیچ كه‌سێك ئه‌م ره‌نج و كوێره‌وه‌رییانه‌ی نه‌چێشتووه‌ و تاقی نه‌كردۆته‌وه‌! له‌ ئورووپا به‌ قه‌ده‌ر ئه‌ژماری سینه‌ماكانی ئێران كۆنسیرواتوار هه‌یه‌! خانووه‌كه‌ی (میكلۆس رۆژا) كه‌ به‌سه‌ر ته‌پۆڵكه‌كانی هاڵیڤووده‌وه‌ هه‌ڵخراوه‌، ئه‌وه‌نده‌ رازاوه‌یه‌ كه‌ ده‌كرێ بكرێته‌ هونه‌رستانی مووزیك! من توانای پێشبینی ئه‌م بناغه‌یه‌م نییه‌، كه‌ ئه‌گه‌ر رۆژا، له‌ سه‌رسه‌بیلی تاران له‌ ژوورێكدا به‌ مانگی 40 تمه‌ن كرێخانوو ده‌ژیا، ده‌ستی به‌ چی پله‌یه‌ك له‌ ئیعتباری مووزیك ده‌گه‌یشت! یان ئه‌گه‌ر میرزاده‌ش له‌ ناو ئه‌و ئیمكانات و ژیانه‌ی (رۆژ)ادا ده‌بوو، چی شوێنه‌وارێكی ده‌خولقاند! هه‌ر ئه‌وه‌نده‌ پێشبینی ده‌كرێ كه‌ له‌ كاتی وه‌ها جێگۆڕكه‌یه‌كدا ئه‌م دوو نه‌فه‌ره‌ خاوه‌نی كه‌سایه‌تی ئێستای خۆیان نه‌ده‌بوون! نیگایه‌كی كورت له‌ ژیانی رۆژا تا راده‌یه‌ك پێشبینییه‌كه‌مان روون ده‌كاته‌وه‌! ئه‌و ساڵی 1907 له‌ بوودابێست له‌ دایك بوو، دایكی عاشقی پیانۆ بوو، به‌ڵام باوكی هیچ حه‌زی له‌ مووزیك نه‌بوو! ته‌نانه‌ت لۆمه‌شی ده‌كرد كه‌ واز له‌ مووزیك بێنێ! به‌هه‌رحاڵ ئه‌م منداڵه‌ ئه‌وه‌نده‌ عه‌بداڵیی مووزیك و تێیدا لێوه‌شاوه‌ بوو و ده‌ستی لێهه‌ڵنه‌ده‌گرت، كه‌ ناچار بوون له‌ فێربوونی مووزیكدا وازی لێ بێنن! به‌م شێوه‌یه‌ رۆژا به‌رله‌وه‌ی كه‌ به‌ منداڵی بتوانێ بخوێنێ و بنووسێ، به‌ هاسانی ده‌یتوانی نوت بخوێنێته‌وه‌! رۆژا پینج ساڵان بوو كه‌ ده‌رسی ڤیۆلۆنی ده‌س پێكرد و له‌ حه‌فت ساڵاندا توانی موومانیك له‌ كۆنسێرتۆی ڤیۆلۆنی مۆزارت لێ بدا! ئه‌وانه‌ی كه‌ سه‌ریان له‌ ناو مووزیكدایه‌ ده‌زانن كه‌ ژه‌ندنی كۆنسیرتۆی مۆزارت به‌ ڤیۆلۆن چه‌نده‌ لۆری ده‌وێ! ئه‌و له‌ مه‌دره‌سه‌كه‌یدا كرا به‌ سه‌رۆكی كۆڕی (فرانتس لیست) و رێك له‌گه‌ڵ ئه‌وه‌شدا خوێندنی مووزیكی درێژه‌ پێدا! وا بوو كه‌ له‌ ته‌مه‌نی 18 ساڵاندا له‌ تاقیكردنه‌وه‌یه‌كی كۆمپۆزیسیۆن له‌به‌ر (یه‌ك تریۆ) بۆ (فلووت و، ئۆبۆئا و ڤیۆلۆنسۆل)، بوو به‌ براوه‌! دوای ته‌واوكردنی خوێندنی سه‌ره‌تایی بوودابێستی به‌ جێهێشت و چوو بۆ لایپزیك و له‌ كۆنسیرواتواره‌ به‌ناوبانگه‌كه‌ی مووزیكی ئه‌و شاره‌دا نێوی نووسی! ته‌مه‌نی 24 ساڵان بوو كه‌ به‌ هۆی پێشكه‌شكردنی سه‌ركه‌وتوانه‌ی به‌رهه‌مه‌كانی له‌ پاریس هاته‌ سه‌ر ئه‌وه‌ كه‌ پاته‌ختی فه‌رانسه‌ وه‌كوو ماڵ هه‌ڵبژێری! له‌ پاریس بوو كه‌ به‌ڕیوه‌به‌ری فه‌رانسه‌یی (ژاك فده‌) به‌رهه‌می ئه‌م ئاوازدانه‌ره‌ لاوه‌ی په‌سن كرد و رایكێشایه‌ ناو دنیای سینه‌ما!
میرزاده‌ به‌ كڕوكاش و خوێندن، له‌ به‌ستێنی مووزیكدا له‌ تاران درێژه‌ی ده‌دا و ده‌ڵێ: كاتێك هاتمه‌ تاران سه‌باره‌ت به‌ نۆت هیچ شتێكم نه‌ده‌زانی! به‌ڵام به‌ هۆی پرۆڤه‌ و ته‌مرینی دوورودرێژه‌وه‌ توانیم له‌ ژه‌ندنی ڤیۆلۆندا لێزانین و لێوه‌شاوه‌یی وه‌ده‌ست بێنم! له‌گه‌ڵ ئه‌وه‌شدا كه‌ هه‌ر به‌و چه‌شنه‌ فێری ڤیۆلۆن بووم، له‌لای خۆشم بڕیارم دا نۆتیش فێر ببم! كتێبیكی سه‌ره‌تایی نۆتم كه‌ (ڤیای موختاری) نووسیبووی و بایی 4 قه‌ران بوو كڕی و تێكۆشام كه‌ له‌ رووی ئه‌وه‌ له‌ چۆنیه‌تی ئه‌لف و بێی مووزیك سه‌ر ده‌ربێنم! ئه‌و كتێبه‌ جگه‌ له‌ زانیاری سه‌ره‌تایی سه‌باره‌ت به‌ بایه‌خی (زه‌مانی نۆته‌كان و بێده‌نگیی)ه‌كان هیچی دیكه‌ی پێنه‌دام! له‌ راستیدا وای ده‌رده‌خست كه‌ فێربوونی نۆت، بێ مامۆستا سانا نییه‌! به‌ڵام من كه‌ بۆ فێربوونی مووزیك ئه‌و هه‌موو زه‌حمه‌ته‌م كێشابوو، نه‌مده‌توانی به‌و ساده‌یی یه‌ مه‌یدان چۆڵ كه‌م! له‌و سه‌رده‌مه‌دا گۆڤاری (مووزیكی ئێران) بڵاو ده‌بووه‌وه‌ و هه‌ر حه‌فته‌ نۆتی یه‌ك یان چه‌ند ئاوازی چاپ ده‌كرد! من ته‌واوی ئاوازه‌كانم له‌به‌ر بوو و ده‌متوانی به‌ ڤیۆلۆن بیانژه‌نم! كه‌وابوو له‌ رێگای چاو و گوێوه‌ ده‌ستم به‌كار كرد! ئاوازه‌كه‌م كه‌ لێده‌دا، چاوم له‌ نۆته‌كه‌ ده‌كرد تا بزانم ئه‌وه‌ی كه‌ لێی ده‌ده‌م چۆن ده‌نووسرێته‌وه‌! كارێكی یه‌كجار سه‌خت و ئۆقره‌پڕووكێن بوو! بۆ نموونه‌ له‌ رووی یه‌كێ له‌ ئاوازه‌كانی (مه‌جیدی وه‌فادار) توانیم (تریۆله‌) فێر ببم! به‌هه‌ر شێوه‌یه‌ك بوو نۆتیش فێر بووم!
له‌ به‌رانبه‌ر كه‌سێكدا كه‌ بۆ خوێندن ده‌چێته‌ كۆنسێرواتواری مووزیكی لایپزیك، كاری میرزاده‌ بایه‌خێكی زۆرتری هه‌یه‌! به‌ هیچ جۆرێ له‌ به‌روبۆی كاره‌كه‌ی قسه‌ ناكه‌م! میرزاده‌ ئاوازدانه‌رێكه‌ كه‌ هیچ ئیدیعایه‌كی نییه‌ و بێگومان له‌ هه‌ڵسه‌نگاندنێك كه‌ له‌ نێوان (ئه‌و) و (رۆژا)دا هێناومه‌ته‌ گۆڕێ رازی نابێ! چونكه‌ بۆ ئه‌و ئاوازدانه‌رانه‌ی كه‌ ده‌رسی مووزیكیان خوێندووه‌ رێز داده‌نێ! مه‌به‌ستی من ئه‌وه‌یه‌ بیسه‌لمێنم كه‌ به‌رهه‌می دوو ئاوازدانه‌ر، ته‌نیا له‌كاتێكدا ده‌كرێ له‌گه‌ڵ یه‌ك هه‌ڵسه‌نگێندرێ، كه‌ هه‌ر دووكیان هه‌لومه‌رجێكی وه‌كوو یه‌كیان هه‌بێ: باوكی رۆژا به‌رده‌وام بۆ مامۆستای كوڕه‌كه‌ی (هیرمان گرابنێر) له‌ كۆنسیرواتواری مووزیكی لایپزیك نامه‌ی ده‌نووسی و سه‌ره‌ڕای ئه‌و دژایه‌تییانه‌ی له‌ سه‌ره‌تادا ده‌یكرد، چۆنییه‌تی كاری كوڕه‌كه‌ی پرسوجۆ ده‌كرد! خانه‌واده‌ی میرزاده‌ به‌ شاردنه‌وه‌ی ده‌ندووك (مزراب)ه‌كانی ده‌یانه‌ویست به‌ یه‌كجاری له‌ مووزیك واز بینێ!
میرزاده‌ سوێڕانه‌ كاره‌كه‌ی خۆی درێژه‌ پێده‌دا و ده‌ڵێ: له‌و سه‌رده‌مه‌دا رادیۆ ئێران رایگه‌یاند كه‌ چه‌ند ژه‌نیارێكیان پێویسته‌! من كه‌ له‌ ڤیۆلۆندا لێهاتوو بووم و تا راده‌یه‌ك توانیبووم نۆت بخوێنم، به‌ په‌له‌ چووم بۆ رادیۆ! له‌وێ (مسته‌فا كه‌سره‌وی) تاقی كردمه‌وه‌ و به‌خته‌وه‌رانه‌ قوبووڵ بووم! له‌و سه‌رده‌مه‌دا 3 كۆڕی مووزیك له‌ رادیۆدا كاریان ده‌كرد! ئۆركێستری (نه‌كیسا)، كه‌سره‌وی رابه‌ری بوو، ئۆركێستری (فارابی)، حه‌نانه‌ رابه‌ری ده‌كرد و ئۆركیستری (باربه‌د)یش فه‌ره‌یدوون ناسری رێبه‌رایه‌تی ده‌كرد! من له‌ ناو ئۆركێستره‌كانی نه‌كیسا و باربه‌ددا ده‌ستم به‌ كار كرد! به‌ هۆی ئه‌وه‌شه‌وه‌ كه‌ تازه‌كار بووم هه‌میشه‌ جێگه‌م قڕه‌ بوو! چونكه‌ له‌ به‌رانبه‌ر ژه‌نیاره‌ كه‌ونه‌كاندا كه‌سێك بایه‌خی پێ نه‌ده‌دام!
میرزاده‌ هه‌ر له‌و رۆژانه‌ی ده‌سپێكی كاره‌وه‌ له‌ناو ئۆركێستری گه‌وره‌شدا هه‌رچه‌ند تووشی هه‌ڵه‌ ده‌بوو به‌ڵام هه‌ر ئه‌و هه‌ڵه‌یه‌ی بوێرانه‌ لێده‌دا! دابه‌شكه‌رانی ناو ئۆركێستره‌كه‌ زۆری لێ رازی بوون! بۆ ئه‌وه‌ی ژه‌نیاره‌كانی دیكه‌ی به‌هۆی ئه‌و بوێرییه‌وه‌ كه‌ هه‌یبوو، به‌ دوای خۆدا راكێش ده‌كرد! ئه‌و رۆژه‌ی كه‌ فه‌ره‌یدوونی ناسری له‌به‌ر ئه‌م كاره‌ی دنه‌ی ده‌دا، له‌ بیره‌وه‌رییه‌خۆشه‌كانی میرزاده‌یه‌! ئاخره‌كه‌ی كاری میرزاده‌ له‌ ژه‌نیارییه‌وه‌ ده‌گاته‌ درووستكردنی مووزیك بۆ فیلم و بۆ خۆی ده‌ڵێ: بۆ فیلمی درووشكه‌چی گۆرانییه‌ك درووست كرا كه‌ نه‌سروڵڵای كه‌ریمی، له‌ ژێر دارێكدا ده‌یخوێند! من له‌ ناو ئه‌و ئۆركێستره‌دا كه‌ ئه‌و گۆرانییه‌یان تۆمار ده‌كرد ڤیۆلۆنم لێده‌دا! شیعری ئه‌م گۆرانییه‌ كه‌ریمی داینابوو و خۆشی له‌ كاتی تۆماركردندا له‌وێ بوو! دوای كۆتایی پارچه‌مووزیكه‌كه‌ كه‌ریمی گوتی: له‌ نێوان ژه‌نیاره‌كانی مووزكه‌كه‌دا یه‌كێك هه‌بوو كه‌ جیا له‌وانی دیكه‌ لێی ده‌دا و ده‌نگی سازه‌كه‌ی ره‌ساتر بوو! كاتێك زانی ئه‌و كه‌سه‌ منم، له‌گه‌ڵ ئه‌وه‌ی كه‌ ئاماژه‌ی به‌ بوێریی من كرد له‌ لێداندا، پێشنیازی پێ كردم كه‌ مووزیكی فیلمی درووشكه‌چی من دایبنێم! یه‌كسه‌ر قبووڵم كرد به‌ڵام (کارگردان) ره‌نێوهێنه‌ری فیلمه‌كه‌، (مه‌نووچه‌ری سادقپوور)، دژ وه‌ستا و گوتی: فیلم ئه‌وه‌جه‌ی به‌ درووستكردنی مووزیك نییه‌! سه‌رفی له‌وه‌دایه‌ كه‌ له‌ (سێلك)ی گرامافۆن كه‌ڵك وه‌رگرین! له‌به‌ر پێداگرتنی كه‌ریمی، بڕیار درا كه‌ ئه‌گه‌ر كاره‌كه‌ی من باشتر بوو، له‌ مووزیكی ئورگیناڵ بۆ فیلم كه‌ڵك وه‌رگیردرێ! دوای ماوه‌یه‌ك ره‌نێوهێنه‌ر قوبووڵی كرد و منیش وه‌كوو ئاوازدانه‌ری فیلمه‌كه‌ هه‌ڵبیژێردرام!
میرزاده‌ كه‌ به‌ هه‌ڵكه‌وت بۆ لای سینه‌ما راكێشرا، له‌م رشته‌یه‌دا عاشقی كاره‌كه‌ بوو! هه‌رچه‌ند به‌ تێچوونی ئۆركێستر و ئه‌و كاته‌ی كه‌ له‌ده‌ستی ده‌رده‌چوو، له‌م رێگه‌وه‌ هیچێكی پێنه‌ده‌گه‌ییشت، به‌ڵام وه‌كوو من، میرزاده‌ ده‌ناسم، ئاماده‌یه‌ كه‌ به‌ خۆڕایی بۆ فیلم مووزیك دابنێ! ئه‌م فه‌رمانپێدانه‌ نیشانده‌ری عه‌شقێكه‌ كه‌ میرزاده‌ به‌ مووزیك هه‌یه‌تی! به‌ڵام بزانین یه‌كه‌مین كاری چۆن داناوه‌؟ بۆ خۆی ده‌ڵێ: به‌رله‌ دانانی مووزیكی فیلمی درووشكه‌چی، هه‌رگیز پارچه‌یه‌كی سه‌ربه‌خۆم بۆ ئۆركێستر نه‌نووسیبوو! ته‌نانه‌ت نێوی ته‌له‌كانی كۆنتراباسیشم نه‌ده‌زانی! گرنگتر له‌مانه‌ له‌ كاراكتێر یا كه‌سایه‌تی سازه‌كان بێئاگا بووم و نه‌مده‌زانی كه‌ سازێك ده‌بێ له‌ چی پله‌ و جێگه‌یه‌كدا به‌كار ببرێ! كه‌وابوو مانگێك رێگه‌م خواست و ته‌واوی ئه‌م بنه‌ما و قانوونانه‌م له‌و كه‌سانه‌ی كه‌ شاره‌زای مووزیك بوون، پرسوجۆ كرد و فێریان بووم! له‌و یه‌ك مانگه‌دا ئه‌وه‌نده‌ بۆ ته‌ڤكۆكردنی زانیاریی كۆششم كرد كه‌ ئیتر لانیكه‌م ده‌متوانی پارچه‌گه‌لێكی سه‌ربه‌خۆ بۆ ئۆركێستر بنووسم! به‌ڵام گیروگرفتی سه‌ره‌كی ئه‌وه‌ بوو كه‌ بۆ فیلم چیم ده‌توانی بكردبا؟ له‌م باره‌یه‌وه‌ نه‌ له‌شوێنێكدا شتێكم خویندبوو، نه‌ له‌ كه‌سێ شتێكم بیستبوو! ته‌واوی قانوونه‌كان خۆم خولقاندمن! بۆ نموونه‌ به‌سه‌ر ئه‌و بناغه‌یه‌وه‌ كه‌: ده‌مزانی هه‌ر سازێك ده‌نگێكی تایبه‌ت به‌خۆی هه‌یه‌ پارچه‌كه‌م ئۆركێستراسیۆن ده‌كرد! به‌م شێوه‌یه‌ بۆ خۆم سه‌رچاوه‌ بووم! وه‌كوو (ده‌سپێكه‌رێك)، بێ هیچ فێركار، یان پاڵپێوه‌نه‌رێك!
به‌هه‌ر شێوه‌یه‌ك بوو، میرزاده‌ مووزیكی فیلمی درووشكه‌چی نووسی! تێشیدا سه‌لیقه‌یه‌كی به‌كار برد! به‌م چه‌شنه‌ قاره‌مانی فیلمه‌كه‌ بۆ ده‌ربڕینی عه‌شقی خۆی به‌رانبه‌ر به‌ ژنه‌هاوسێكه‌یان، سێلكی گرامافۆنی گۆرانیی خۆشم ده‌وێی (دوستت دارم)ی (سۆسه‌ن)ی گۆرانیبێژی كوردی رۆژهه‌ڵاتی كه‌ به‌ فارسی گۆرانیی ده‌چڕی، په‌یتاپه‌یتا به‌ ده‌نگی به‌رز له‌ گرامافۆنه‌كه‌وه‌ بڵاو ده‌كرده‌وه‌! میرزاده‌ له‌ مایه‌ی ئه‌م گۆرانییه‌ عامیانه‌یه‌ وه‌كوو مووزیكی فیلمه‌كه‌ كه‌ڵكی وه‌رگرت و واریاسۆنگه‌لێكی جۆربه‌جۆری له‌ رووی درووست كرد! ئه‌م فیلمه‌ بۆ میرزاده‌ خۆی، له‌ هه‌موو كه‌سێك زۆرتر (شه‌وقهه‌ڵخڕین) بوو!
میرزاده‌ ده‌ڵێ: كاتێك كه‌ كاره‌كه‌ی من قوبووڵ كرا، له‌ خۆشیدا پێم وه‌عه‌رز نه‌ده‌كه‌وت! له‌ شه‌قامی (كۆشك)، بانكێكی خوێنی لێبوو! هه‌ر كه‌ له‌ ستۆدیۆ هاتمه‌ ده‌رێ، بۆ شوكرانه‌ی سه‌ركه‌وتن له‌م كاره‌دا، له‌باتی هه‌ر نه‌زرونیازێك چوومه‌ ئه‌و بانكی خوێنه‌ و هه‌ندێك له‌ خوێنی خۆمم پێدان! پاشان بسكویت و چایشیرینم خوارد! به‌ڵام شه‌و له‌ ماڵه‌وه‌ تووشی سه‌ره‌گێژه‌ بووم و ژنه‌كه‌م هاواری لێ هه‌ستا و به‌گژمدا هات!
دوای ئه‌م ئه‌زموونه‌ كه‌ریمی به‌وه‌ گه‌یشت كه‌ ئاوازدانه‌رێكی گه‌نجی دیوه‌ته‌وه‌! بۆ ته‌واوی كاره‌كانی كه‌ڵكی لێوه‌رگرت! میرزاده‌ به‌ ئاماژه‌ به‌ بارودۆخی ئه‌و سه‌رده‌مه‌ی سینه‌ما ده‌ڵێ: هیچكات رووی نه‌داوه‌ كه‌ به‌ ده‌ره‌تانی ته‌واو و به‌ مرخی خۆم مووزیكی فیلم بنووسم! هه‌میشه‌ دژایه‌تی سه‌لیقه‌ له‌ گه‌ڵ كارگێڕ كه‌ زۆربه‌یان زانیارییه‌كی ئه‌وه‌نده‌ درووستیان له‌ مووزیك نییه‌، كاره‌كه‌م ته‌نگه‌به‌ر كراوه‌! كارگیڕانیش له‌م باره‌وه‌ دیاره‌ خۆیان سه‌ربه‌خۆ نین و ره‌دووی خواستی دابینكار و ره‌نێوهێنه‌رانن، كه‌ بازرگانن! ئه‌وانه‌ پێوه‌ره‌ كۆن و كلاسیكه‌كانم به‌سه‌ردا ده‌سه‌پێنن! له‌ راستیدا له‌ سه‌تا په‌نجای مووزیكی فیلمه‌كانم، به‌پێی سه‌لیقه‌ی ره‌نێوهێنه‌ران و كارگیڕان ده‌نووسرێ! به‌م ده‌لیله‌ له‌ ته‌واوی كاره‌كانمدا به‌رهه‌مێك كه‌ به‌ته‌واوی به‌ سه‌لیقه‌ی خۆم دانرابێ شك نابه‌م، به‌ڵام به‌ گشتیی مووزكی (درووشكه‌چی) و (قیامه‌تی عه‌شق) دانراوی (هووشه‌نگ حیسامی)م زۆرتر له‌ كاره‌كانی دیكه‌ له‌ لا په‌سنده‌!
نابێ وا بیر بكرێته‌وه‌ كه‌ ئه‌م ته‌نگه‌به‌رییانه‌ ته‌نیا تایبه‌ت به‌ ئێرانن و له‌ رۆژاوا خه‌به‌رێك له‌م مه‌سه‌لانه‌وه‌ نییه‌! له‌ هاڵیڤوود، سه‌رده‌مێك وا وێنا ده‌كرا كه‌ گامی مینۆڕ به‌خه‌سڵه‌ت خه‌مینتره‌ و گامی ماژۆڕیش كرژ و شاده‌! رۆژێك ره‌نێوهێنه‌رێك به‌ (ڤیكتۆر یانگ)ی گوت كه‌: قاره‌مانی فیلمی (ئینسانێكی خه‌مهێنه‌ر) و كچێك كه‌ ئه‌و حه‌زی لێده‌كا، بزۆزه‌ و شاد! ده‌مه‌وێ هه‌ركات كه‌ فیلمه‌كه‌ پیاوه‌كه‌ نیشان ده‌دا، مووزیك له‌ گامی مینۆردا بێ، هه‌ركاتێكیش كچه‌كه‌ نیشان ده‌دا له‌ گامی ماژۆڕدا بێ، ئه‌و كاته‌ش كه‌ هه‌ر دووكیان له‌ وێنه‌دان، مووزیك هه‌م مینۆڕ بێ هه‌م ماژۆڕ!
به‌رواڵه‌ت (ده‌یوید ئوسلیزنیك) له‌و ده‌سته‌ ره‌نێوهێنه‌رانه‌ بوو كه‌ ئه‌وه‌نده‌ نائاسایی بیری له‌ مووزیكی فیلمه‌كانی ده‌كرده‌وه‌ كه‌ بۆ فیلمی (شه‌ڕ له‌به‌ر خۆره‌وه‌) مووزیكێكی پڕشكۆ و تایبه‌تی ده‌ویست و ئه‌م بیره‌ناحه‌زه‌ی له‌ مێشكی خۆیدا به‌خێو ده‌كرد كه‌ چواركه‌س له‌ باشترین ئاوازدانه‌ره‌كانی هاڵیڤوود كۆ بكاته‌وه‌ و پێشنیازێكی وایان پێبكا كه‌: هه‌ر ئاوازدانه‌رێك بۆ دوو حه‌فته‌ مزه‌ی كار وه‌رده‌گرێ ئه‌گه‌ر بۆ شانۆیه‌كی تایبه‌ت له‌ فیلمه‌كه‌ مووزیك دابنێ! له‌ كۆتایی ده‌وره‌كه‌شدا ئه‌و خۆی چاو له‌ پارچه‌كان ده‌كاته‌وه‌ و له‌ نێوانیاندا باشترینه‌كانیان هه‌ڵده‌بژێرێ! ئاوازدانه‌ری هه‌ڵبژێردراو بێجگه‌ له‌و دوو هه‌فته‌، مزه‌ی ته‌واویش وه‌رده‌گرێ! هیچكام له‌و چوار كه‌سه‌ كه‌ ئه‌و له‌به‌رچاوی گرتبوون، پێشنیازه‌كه‌یان قوبووڵ نه‌كرد! یه‌كێك له‌وانه‌ (میكلۆش رۆژا) بوو كه‌ پێشتر مووزیكی ئافه‌رینهه‌ڵخڕینی فیلمی (ته‌لیسمكراو)ی بۆ سلزنیك دانابوو! رۆژا به‌ نوێنه‌ره‌كه‌ی ئه‌وی گوت: به‌وردی به‌م وشانه‌ به‌ كاك (سلزنیك) بڵێن كه‌ ئه‌گه‌ر ئه‌و هه‌رگیز نۆتێك له‌ مووزیكی منی نه‌بیستبا، ئه‌م پێشنیازه‌م به‌ ناونیتكه‌ داده‌نا، به‌ڵام ئه‌م كرده‌وه‌یه‌ به‌ جینایه‌ت داده‌نێم و هه‌رگیز نامه‌وێ نێوی ببیسم!
كاتێك كه‌ سلزنیك بیری به‌ربه‌ره‌كانێ ئاوازدانه‌رانی له‌سه‌ر ده‌ركرد، (تیۆمكین)، مووزیكی ئه‌و فیلمه‌ی درووست كرد! مووزیكێكی ده‌وڵه‌مه‌ند و گرمه‌ئاسا بوو! (سلزنیك) كورته‌یه‌ك له‌و ئاوازانه‌ی كه‌ ده‌یه‌ویستن، به‌ پێی ئه‌و هه‌ستانه‌ی كه‌ وه‌به‌رهه‌میان ده‌هێنا، به‌سه‌ر چه‌ند كارته‌وه‌ نووسی و دایه‌ ده‌ستی تیۆمكین! هه‌ر وه‌كوو جۆریك نوسخه‌ی پزیشكیی مووزیكایی! چوار هه‌سته‌كه‌ ئه‌مانه‌ بوون: ئیره‌یی، نازفرۆشی، سانتیمان و خۆشگوزه‌رانیی! هه‌ركه‌ تیۆمكین بۆ ئه‌مانه‌ مووزیكی دانا، (سلزنیك) ویستی بیانبیسێ! تیۆمكین كه‌ له‌ پێشدا ئه‌م لایه‌نه‌ ئاشكارانه‌ی پێشبینی ده‌كرد، به‌پێی سیاسه‌تێكی زیره‌كانه‌، به‌ خۆشڕوویی یه‌وه‌ قوبووڵی كرد! مایه‌كانی تیۆمكین بۆ ئیره‌یی، نازفرۆشی و سانتیمان په‌سندی سلزنیك بوون، به‌ڵام به‌شی عه‌یاشیی (خۆشگوزه‌رانیی)یه‌كه‌ی به‌ دڵ نه‌بوو! به‌ بڕوای ئه‌و مایه‌ی تیۆمكین له‌ راده‌به‌ده‌ر زه‌ریف بوو و پێویستی به‌ تووڕه‌یی یه‌كی زۆرتر بوو! تیۆمكین ئه‌م ره‌خنه‌یه‌ی وه‌رگرت! بڕیار بوو كه‌ بۆ عه‌یاشی مووزیكێكی دیكه‌ بنووسێ! كاردانه‌وه‌ی سلزنیك به‌رانبه‌ر به‌ كۆششی دووپاته‌ی تیۆمكین دیسان پووچه‌ڵ بوو! ئه‌و گوتی كه‌ هێشتاش پێویستی به‌ ریتمی زۆرتر هه‌یه‌! ئه‌وه‌شی پێ زیاد كرد كه‌ ده‌یه‌وێ مووزیكه‌كه‌ هه‌ڵخڕینه‌ر بێ! بۆ ئه‌وه‌ی شانۆی له‌به‌رچاوگیراو، گاوانێكی تووڕه‌ و كچێكی وه‌سواسه‌هه‌ڵخڕینه‌! تیۆمكین داما! ره‌وشی هه‌میشه‌ ئه‌مه‌ بوو كه‌ سێ جار له‌گه‌ڵ ره‌نێوهێنه‌ره‌كه‌ بیكاته‌ شه‌ڕ تا له‌ ئه‌نجامدا پێك بێن! دیسان ده‌ستی به‌كار كرده‌وه‌ تا مووزیكێكی دیكه‌ دابنێ! ئه‌مجاره‌ مووزیكه‌كه‌ی به‌ زه‌ربه‌ی فراوانی ئۆركێسترییه‌وه‌ دانا! كاتێك ئه‌م (مووزیكه‌ تێكه‌ڵ به‌یاو)ه‌ی بۆ سلزنیك لێدا، ره‌نێوهێنه‌ر هێشتا هه‌ر ناڕازی بوو! به‌ تیۆمكینی گوت: شتێك كه‌ لێره‌ ده‌بێ هه‌مانبێ، مووزیكێكی حه‌زلێكردوویی یه‌ به‌ڵام من ئاوه‌ها حه‌زلێكردوویی ناكه‌م! تیۆمكین تووڕه‌ بوو و هاواری كرد من نازانم تۆ چۆن حه‌زلێكردوویی ده‌كه‌ی، به‌ڵام من ئاوه‌ها حه‌زلێكردوویی ده‌كه‌م! سلزنیك پێكه‌نی و قوبووڵی كرد كه‌ له‌سه‌ر خواستی خۆی باسه‌كه‌ كۆتایی پێ بینێ!
سینه‌ما هونه‌رێكی پڕ تێچوونه‌! ره‌نێوهێنه‌ر كه‌ سه‌رمایه‌كه‌ی له‌سه‌ر فیلمێك داده‌نێ، له‌به‌ر ئه‌م كاره‌ ئه‌و مافه‌ش به‌ خۆی ده‌دا كه‌ هه‌ركه‌س و هه‌رشتێك بكێشێته‌ ژێر فه‌رمانی خۆیه‌وه‌! ته‌نانه‌ت وا وێنا ده‌كا كه‌ هه‌رچه‌ند مووزیك زۆرتر بێ، ئاكامی باشتر وه‌ده‌ست دینێ! زۆر پێش هاتووه‌ كه‌ ره‌نێوهێنه‌ران له‌ به‌رانبه‌ر ئه‌م پرسیاره‌دا كه‌ بۆچی لێره‌دا مووزیكتان ده‌وێ، وه‌ڵامێكی ره‌زاحكه‌ریان نه‌بووه‌! له‌ ئێران له‌ بنه‌ڕه‌تدا له‌ مووزیكی فیلم تێنه‌گه‌ییشتوون! بڕێ له‌ ره‌نێوهێنه‌ران وا بیر ده‌كه‌نه‌وه‌ كه‌ مووزیكی فیلم، گۆرانییه‌كه‌یه‌ كه‌ له‌ فیلمدا ده‌خویندرێ! یان (مه‌نووچه‌ری سادقپوور) بۆ نموونه‌ له‌ بنه‌ڕه‌ته‌وه‌ به‌ پێویستی نازانێ كه‌ مووزیكێكی سه‌ربه‌خۆ بۆ فیلمه‌كه‌ بنووسرێ! خه‌ڵكی دیكه‌ش هه‌ر به‌م چه‌شنه‌! بڕێ جار پاره‌یه‌ك كه‌ له‌ لایه‌ن ره‌نێوهێنه‌ره‌وه‌ ده‌كرێته‌ تێچوونی فیلمێك، بۆ كرێی چه‌ند سه‌عات ستۆدیۆی تۆماركردن دیسان به‌ش ناكا! گه‌رچی كۆشش كرا به‌ هه‌ڵسه‌نگاندن، نه‌ناسیاویی ره‌نێوهێنه‌رانی جۆربه‌جۆری دنیا به‌رانبه‌ر به‌ مووزیك نیشان بدرێ، به‌ڵام هه‌رگیز نابێ فه‌رامۆش بكرێ كه‌ به‌ سه‌رنج به‌و قاییمییه‌ی كه‌ له‌ شێوه‌ی فیلمسازی رۆژاوادا هه‌یه‌، تێكۆشانی ئێمه‌ ته‌نیا له‌ ره‌ده‌ی هه‌ڵسه‌نگاندنێكی رووبیناییدا بووه‌! كه‌وابوو جیاوازیگه‌لێك كه‌ له‌ نێوان (ده‌یوید سلزنیك) و (مه‌نووچه‌ر سادقپوور)دا هه‌یه‌، هه‌روه‌ها له‌ جیی خۆی ماوه‌! هیچ دوور نییه‌ كه‌ ئه‌گه‌ر سادقپور كاره‌كه‌ی میرزاده‌ی قوبووڵ نه‌ده‌كرد، ئێستاش هه‌ر ژه‌نیاریكی ناو ئۆركێستر ده‌بوو! میرزاده‌ دوای درووشكه‌چی، به‌ شێوه‌ی پرۆفس كار و كاتی خۆی ته‌رخان كرد بۆ مووزیكی فیلم و تا ئێستاش هه‌ر ده‌وامی هێناوه‌! فیلمی ،قه‌ره‌نتینه‌، دانانی مه‌سعوودی ئه‌سه‌دوڵڵاهی، یه‌كی له‌ ئاخرین فیلمگه‌لێكه‌ كه‌ میرزاده‌ مووزیكی بۆ داناوه‌!

وه‌رگێڕانی ناسری ره‌زازی، وه‌رگیراو له‌ كتێبی ئه‌وانه‌ی مۆسیقای فیلمیان داناوه‌!




          Design by Chia
Biyografi Film