Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 489 Razzazi
Strict Standards: Only variables should be passed by reference in /customers/a/1/3/razzazi.se/httpd.www/inc/show.news.php on line 140 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 548 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 549 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 563 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 489

گوتوبێژی ناسری ره‌زازی له‌گه‌ڵ گۆڤاری هونه‌ر!

1. پێناسه‌ی هونه‌ر چییه‌ و هونه‌رمه‌ند كێیه‌؟
هونه‌ر، چه‌ندین پێناسه‌ی هه‌یه‌ و هه‌ر هونه‌رمه‌ند یان هونه‌روه‌رێكیش به‌ پێی بیروبۆچوونی خۆی لێكی ده‌داته‌وه‌ و شی ده‌كاته‌وه‌. هونه‌ر ئاوێنه‌ی ئه‌و كۆمه‌ڵگایه‌یه‌ كه‌ هونه‌رمه‌ند تێیدا ده‌ژی. هونه‌رمه‌ند ده‌بێ هه‌ر رووادوێك یان كاره‌ساتێك كه‌ دێته‌ پێش، له‌گه‌ڵیا ده‌ستوپه‌نجه‌ نه‌رم بكا و وه‌لأمده‌ری ئه‌و رووداوانه‌ بێ، بۆ وه‌دیهێنانی خواسته‌كانی كۆمه‌ڵگا.
هونه‌ر هه‌ستێكی ئینسانییه‌ كه‌ له‌ هه‌موو كه‌سێكدا نییه‌، هونه‌ر ئه‌گه‌ر ته‌نیا بۆ زه‌وق و رابوواردن چاوی لێ نه‌كه‌ین و وه‌كوو یه‌كێ له‌ هه‌لومه‌رجه‌كانی ژیانی دابنێین، ئه‌ندیشه‌یه‌ و كه‌ره‌سه‌ی پێوه‌ندی نێوان ئینسانه‌كانه‌. هونه‌ر ده‌ربڕی پاودان و چۆنیه‌تی ژیانه‌ و به‌سه‌ر بناغه‌ی ئه‌و هه‌سته‌ ئینسانییه‌وه‌ به‌نده‌ كه‌ به‌ هۆی یه‌كێكه‌وه‌ كار ده‌كاته‌ سه‌ر ئه‌ویدیكه‌.
هه‌ر ئینسانێك ئه‌م تایبه‌تمه‌ندییگه‌له‌ی تێد هه‌بێ و له‌ بوویه‌ر و كاره‌ساته‌كانی كۆمه‌ڵگای ئینسانی تێبگا و بتوانێ بیر و ئه‌زموونی كۆمه‌ڵگا، له‌ رێگای ئه‌و به‌رهه‌مه‌ هونه‌رییه‌وه‌ كه‌ ده‌یخولقێنێ، بگۆڕێ، هونه‌رمه‌نده‌. هونه‌رمه‌ند رواڵه‌تی جێكه‌وتووی ئه‌و كۆمه‌ڵگایه‌یه‌ كه‌ تێیدا ده‌ژی و له‌ سه‌رده‌می جۆربه‌جۆردا ده‌رده‌كه‌وێ.

2. مه‌رجه‌كانی كه‌سایه‌تی هونه‌رمه‌ند چین؟
مه‌رجه‌كانی كه‌سایه‌تی هونه‌رمه‌ند دوو لایه‌نی هه‌یه‌، لایه‌نی یه‌كه‌م: ئه‌و كار و خه‌باته‌هونه‌رییه‌یه‌ كه‌ هونه‌رمه‌ند ده‌یكا، واته‌ باری ته‌كنیكی ئه‌و هونه‌ره‌ی كه‌ ده‌یخولقێنێ، بۆ نموونه‌ زۆربه‌ی ره‌وت و رووداو و كاره‌ساته‌كانی كۆمه‌ڵگا، به‌ چاك و خه‌راپییه‌وه‌، هه‌وێنن بۆ هونه‌ر و، ئینسانی هونه‌رمه‌ند ده‌بێ توانایی ئه‌وه‌ی هه‌بێ كه‌ به‌رهه‌میان لێ بخولقێنێ و له‌ هه‌مووی گرنگتر له‌گه‌ڵ ره‌وتی ئه‌و دنیایه‌ی كه‌ تێیدا ده‌ژی، رێ بكا و له‌ كۆمه‌ڵگا و گوێگر و لایه‌نگرانی وه‌دوا نه‌كه‌وێ. واته‌ هونه‌رێك بخولقێنێ كه‌ وه‌لأمده‌ری خواست و ویستی سه‌رده‌مه‌كه‌ی خۆی بێ.
لایه‌نێكی دیكه‌ی مه‌رجه‌كانی كه‌سایه‌تی هونه‌رمه‌ند ئه‌وه‌یه‌ كه‌: هونه‌رمه‌ند ده‌بێ له‌ خزمه‌تی ئینسانییه‌ت و به‌تایبه‌ت بۆ ئێمه‌ی كورد، نه‌ته‌وه‌كه‌یدا بێ، چونكه‌ كورد گه‌لێكی بنده‌ست و چه‌وساوه‌یه‌ و له‌ هه‌موو مافێكی ئینسانی و نه‌ته‌وایه‌تی بێبه‌شه‌ و له‌ قۆناخێكی ناسك و شه‌وێردا ده‌ژی.
هونه‌رمه‌ند ئه‌گه‌ر سه‌ربه‌وه‌ر (متواڤع) نه‌بێ و له‌خۆبایی بێ و زوو له‌ كه‌وڵی خۆی بچێته‌ ده‌رێ، هه‌ر ئه‌و كۆمه‌ڵگایه‌ی كه‌ ئه‌وی تێدا هه‌ڵكه‌وتووه‌، ده‌توانێ وا كڵێڵه‌ی بكا كه‌ نه‌توانێ ئیتر سه‌ر هه‌ڵبێنێ. كاتێك ده‌گوترێ هونه‌ر ئاوێنه‌ی كۆمه‌ڵگایه‌، هونه‌رمه‌ند له‌ناو ئه‌و ئاوێنه‌یه‌دا بیهه‌وێ و نه‌یهه‌وێ، سیمای راسته‌قینه‌ی خۆی ده‌رده‌خا.


3. وه‌ك ده‌زانرێت هونه‌ر زمانی گه‌لانه‌، ئایا هونه‌ری كوردیی تاچه‌ند توانیویه‌تی ناسنامه‌ی نه‌ته‌وایه‌تی بێنێته‌ زمان؟
هه‌رچه‌ند گه‌لی كورد، گه‌لێكی بنده‌ست و چه‌وساوه‌یه‌ و تووشی كاره‌ساتی گه‌وره‌ هاتووه‌ و هونه‌ره‌كه‌ی له‌ ژێربه‌رانی زمان و كولتووری داگیركه‌ره‌كه‌یدا كلێڵه‌ بووه‌ و بۆ مانه‌وه‌ی په‌رچه‌ له‌ خۆی ده‌كا و هێشتا له‌ پاودانی خۆپاراستندایه‌، به‌لأم سه‌ره‌ڕای ئه‌مانه‌، توانیویه‌تی هونه‌ره‌كه‌ی بگه‌یێنێته‌ ئاستێك كه‌ شانله‌شانی هونه‌ری گه‌لێكی خاوه‌نده‌سه‌لأت و ده‌وڵه‌ت بدا و به‌ دنیاشی نیشان بدا كه‌، هه‌یه‌ و ده‌توانێ خۆشی به‌ڕێوه‌به‌رێ و شیاوی ئه‌وه‌شه‌ كه‌ ده‌وڵه‌تیشی هه‌بێ.
هه‌رچه‌ند خه‌باتی سیاسی هه‌ندێ له‌ پارت و رێكخراوه‌كانی كوردستان، به‌جێگای ئه‌وه‌ی كه‌ گه‌لی بنده‌ست و چه‌وساوه‌ی كورد به‌ لای ئه‌وه‌دا رابكێشن كه‌ كورد ده‌بێ خۆی بناسێ و ببێ به‌ خاوه‌ن خۆی و رێز له‌ زمان و ئه‌ده‌ب و كولتووره‌كه‌ی خۆی بگرێ، خه‌باتی ئه‌م گه‌له‌یان به‌لاڕێدا بردووه‌، وه‌لێ دیسان جێگای خۆشحاڵییه‌ كه‌ كورد ئێستا قۆناخێكی دیكه‌ی بڕیوه‌ و ورده‌ورده‌ تێگه‌ییشتووه‌ كه‌ ده‌بێ بۆ ئه‌وه‌ تێبكۆشێ كه‌ تێدا نه‌چێ و به‌وه‌ گه‌ییشتووه‌ كه‌ ده‌بێ بۆ مافی ره‌وای خۆی خه‌بات بكا و ته‌نیا شتێك كه‌ به‌ سه‌ركه‌وتنی ده‌گه‌یێنێ، خه‌باتی نه‌ته‌وایه‌تییه‌، هه‌رچه‌ند هۆكار و فاكته‌ری دیكه‌ش هه‌ن بۆ رزگاربوون له‌ سته‌م و چه‌وسانه‌وه‌ و درووستكردنی ده‌وڵه‌ت، به‌لأم گرنگترین شت له‌ رۆژی ئه‌مڕۆدا ئه‌وه‌یه‌ كه‌ له‌ كاری هونه‌ریی زۆربه‌ی هونه‌رمه‌ندانی كورددا ئه‌وه‌ له‌به‌رچاوه‌ كه‌ هونه‌ری كوردیی، ده‌یه‌وێ خۆی به‌ گه‌لانی نه‌كورد و ده‌ره‌وه‌ی كوردستان بناسێنێ و له‌هه‌مان كاتیشدا ببێ به‌ خاوه‌ن مۆركی تایبه‌ت و ناسنامه‌ی نه‌ته‌وایه‌تی خۆی.

4. ره‌خنه‌یه‌كی وا ئاراسته‌ی هونه‌رمه‌ندانی گۆرانیی و مۆسیقا ده‌كرێ، كه‌ له‌ چووارچێوه‌یه‌كی وا خۆیان گۆشه‌گیر كردووه‌، به‌ ته‌واوی له‌ جیهانی رۆشنبیری گشتی و رووداوه‌گرنگه‌كانی ژیان و كۆمه‌ڵگا دوورن، ئێوه‌ له‌م باره‌یه‌وه‌ چی ده‌ڵێن؟
من پێموایه‌ ئه‌م شته‌ هه‌موو هونه‌رمه‌ندێ ناگرێته‌وه‌، چونكه‌ چه‌ند هۆكارێك هه‌ن كه‌ بوونه‌ته‌ هۆی ئه‌وه‌ كه‌ هونه‌رمه‌ندیش دووره‌په‌رێز بێ و سه‌ری له‌ناو كه‌وڵی خۆیدا بێ.
یه‌كێك له‌و هۆكارانه‌ی كه‌ بۆته‌ سۆنگه‌ كه‌ كۆسپ له‌به‌رده‌م گه‌شه‌كردنی هونه‌رمه‌ندا درووست بكا، پێشبڕكێی لایه‌نه‌ سیاسییه‌كانه‌ بۆ خستنه‌ ناو (بێركم) ی سیاسیی خۆیان و ده‌سته‌مۆ كردنی هونه‌رمه‌نداان، هه‌رچه‌ند به‌ هۆی كردنه‌وه‌ی 3 ته‌له‌ڤزیۆنی كوردییه‌وه‌ تۆزێك له‌ گرنگیی و كارتێكه‌ریی هونه‌ر تێگه‌ییشتوون و ئێستا ئه‌م شته‌ كه‌مڕه‌نگه‌، به‌لأم ئه‌م شته‌ یه‌كێك له‌ گرفته‌کانی ئێمه‌یه‌.

گوتوبێژی مه‌رزیه‌ی فه‌ریقی له‌گه‌ڵ گۆڤاری هونه‌ر!
1. پێناسه‌ی هونه‌ر چییه‌ و هونه‌رمه‌ند كێیه‌؟
هونه‌ر، كۆمه‌ڵێك له‌و بیركردنه‌وه‌گه‌له‌یه‌، ئینسان له‌ مێشكی خۆیدا وێنه‌نوێنی ده‌كا، له‌ سه‌رده‌مگه‌لێكی دیاریكراودا، تێكه‌ڵ له‌گه‌ڵ بۆنه‌گه‌لی ئابووری و كۆمه‌لأیه‌تی. هونه‌ر هه‌میشه‌ له‌ جموجووڵدایه‌، هیچكه‌س و هیچ شتێك ناتوانێ له‌ ره‌وت و رۆی بخا، هه‌رچه‌ند له‌م سه‌رده‌مه‌دا هونه‌ریان به‌ سێكسه‌وه‌ به‌ستۆته‌وه‌ و له‌و ناوه‌ڕۆكه‌ جووانه‌یان دوور خستۆته‌وه‌، به‌لأم ئاوێنه‌یێكه‌ كه‌ ئینسان ده‌توانێ خۆی تێدا ببینێته‌وه‌، واته‌ ده‌رد و ره‌نجه‌كانی خۆی له‌ناو ئه‌وه‌دا هه‌ست پێ بكا.
هونه‌ر شتێكه‌ كه‌ له‌ناو كۆمه‌ڵگادا هه‌یه‌، به‌لأم ئه‌وه‌ هونه‌رمه‌نده‌ كه‌ ده‌بێ به‌ هه‌ستی ئینسانی خۆی بیهێنێته‌ به‌رهه‌م و پێشكه‌ش به‌ كۆمه‌ڵگای بكاته‌وه‌، چونكه‌ هونه‌رێك كه‌ له‌ خزمه‌تی ئینسانییه‌ت و به‌تایبه‌ت به‌رژه‌وه‌ندییه‌كانی مرۆڤایه‌تیدا نه‌بێ، ئیتر ناتوانی نێوی بنێی هونه‌ر و زوو ده‌مرێ.

مه‌رجه‌كانی كه‌سایه‌تی هونه‌رمه‌ند چین؟
مه‌رجه‌كانی كه‌سایه‌تی هونه‌رمه‌ندی كورد له‌گه‌ڵ هونه‌رمه‌ندی نه‌كورد جیاوازن، چونكه‌ به‌ هۆی بارودۆخی سیاسی كوردستان، ئه‌و شتانه‌ی كه‌ وا بۆ ئێمه‌ گرنگن، له‌وانه‌یه‌ بۆ نه‌كورد وانه‌بێ و له‌به‌رچاوی نه‌گرن. ئێمه‌ هێشتا بنده‌ست و مافخوراوین، بۆ نموونه‌ هونه‌رمه‌ندی كورد له‌به‌ر ئه‌وه‌ی كه‌ كولتوور و زمانه‌كه‌ی كلێڵه‌ی ژێر كولتوور و زمانێكی دیكه‌یه‌، واین له‌ پاودانێكدا كه‌ ده‌نێ په‌رچه‌ یان دیفاع له‌ كولتوور و زمانی نه‌ته‌وه‌كه‌مان بكه‌ین، ده‌رفه‌تی پێشكه‌وتنمان نییه‌ چبگات به‌ گه‌شه‌كردن. ئێمه‌ واین له‌ قۆناخێكدا كه‌ هێشتا ناتوانین به‌ هونه‌ره‌كه‌مان بژین و ژیانێكی ئاسووده‌مان هه‌بێ. له‌به‌ر ئه‌و هۆیه‌، له‌ زۆر شت به‌جێماوین و بێتوانای ئابووری وای لێكردووین كه‌ ناتوانین گه‌شه‌ به‌ كاره‌كه‌مان بده‌ین. گرفتمان یه‌كجار زۆره‌، به‌لأم هونه‌رمه‌ندی نه‌كورد بۆ نموونه‌، تورك و عه‌ره‌ب و فارس و هیدیكه‌، ئه‌و گرفته‌یان نییه‌. لێره‌دا ده‌بێ ئه‌وه‌تان له‌به‌رچاو بێ كه‌ خراپ له‌ باسه‌كه‌م تێنه‌گه‌ن، چونكه‌ من ته‌نیا باری ئینسانیی قسه‌ ناكه‌م، به‌ڵكوو زۆرتر مه‌به‌ستم ئه‌وه‌یه‌ كه‌ ئێمه‌ بنده‌ست و مافخوراوین، ده‌نا وه‌كوو ئینسان وه‌ نییه‌ هونه‌رمه‌ندی فارس یان توركیش له‌ ژێر چه‌وسانه‌وه‌دا نه‌بێ، ئه‌مه‌ جیاوازه‌، من مه‌به‌ستم ئه‌وه‌یه‌ كه‌ ئێمه‌ چه‌ندین سته‌ممان لێده‌كرێ، كه‌ گرنگترینی سته‌می نه‌ته‌وایه‌تییه‌. جا ئه‌مانه‌ له‌ كوێ بواری ئه‌وه‌ ده‌ده‌ن كه‌ هونه‌رمه‌ندی كورد كه‌سایه‌تی سیاسی و نه‌ته‌وایه‌تی خۆی بپارێزێ.

3. وه‌ك ده‌زانرێت هونه‌ر زمانی گه‌لانه‌، ئایا هونه‌ری كوردیی تاچه‌ند توانیویه‌تی ناسنامه‌ی نه‌ته‌وایه‌تی بێنێته‌ زمان؟
تا راده‌یه‌ك توانیویه‌تی، به‌لأم كه‌مه‌ چونكه‌ ئه‌گه‌ر وه‌ك له‌سه‌ره‌وه‌ باسم كرد، بوار هه‌بێ، هونه‌ری كوردیش ده‌سكه‌مێكی له‌ هونه‌ری نه‌ته‌وه‌ی بالأدسمان نییه‌ كه‌ داگیركه‌ری ئێمه‌ن. به‌شێكی دیكه‌ش ئه‌وه‌یه‌ كه‌ كۆمه‌ڵگاكه‌ی ئێمه‌ و ئه‌و ئورگانه‌ سیاسییانه‌ی كه‌ رابه‌رایه‌تی ئه‌و كۆمه‌ڵگایه‌ ده‌كه‌ن، هێشتا به‌و قۆناخه‌ نه‌گه‌ییشتوون كه‌ جێگای هونه‌ر كارتێكه‌ریی ئه‌م هونه‌ره‌ بناسن.

4. ره‌خنه‌یه‌كی وا ئاراسته‌ی هونه‌رمه‌ندانی گۆرانیی و مۆسیقا ده‌كرێ، كه‌ له‌ چووارچێوه‌یه‌كی وا خۆیان گۆشه‌گیر كردووه‌، به‌ ته‌واوی له‌ جیهانی رۆشنبیری گشتی و رووداوه‌گرنگه‌كانی ژیان و كۆمه‌ڵگا دوورن، ئێوه‌ له‌م باره‌یه‌وه‌ چی ده‌ڵێن؟

له‌وانه‌یه‌ له‌م جیله‌ تازه‌یه‌ی كه‌ ده‌ستیان به‌ كاری هونه‌ری كردووه‌، به‌تایبه‌تی له‌ ئورووپا قسه‌كه‌ت راست بێ، به‌لأم وانییه‌، چونكه‌ ئه‌وه‌ رابه‌رایه‌تی شۆڕشی كورده‌ كه‌ هونه‌رمه‌ندی وا لێكردووه‌ كه‌ دووره‌په‌رێز بێ. من نموونه‌ت بۆ دێمه‌وه‌: چه‌ند جار له‌ ده‌ره‌وه‌ی ولأت، هونه‌رمه‌ندا تێكۆشان كه‌ یه‌كیه‌تی هونه‌رمه‌ندا درووست بكه‌ن، به‌داخه‌وه‌ لایه‌نه‌ سیاسییه‌كان له‌ پلووپای ئه‌وه‌دا بوون، كه‌ بیخه‌نه‌ ژێر ركێفی خۆیان. ده‌نا هونه‌ر ده‌بێ ئازاد بێ و هونه‌رمه‌ندیش سه‌ربه‌ست، بۆ ئه‌وه‌ی كه‌ بتوانێ خولقێبه‌ر بێ، ده‌نا هونه‌رێك كه‌ كه‌وته‌ چووارچێوه‌ یان ژێر كارتێكه‌ری لایه‌نێكی سیاسی ده‌مرێ و ده‌كه‌وێته‌ به‌ر خزمه‌ت ره‌وتێكی تایبه‌تی.




          Design by Chia
Biyografi Film