Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 489 Razzazi
Strict Standards: Only variables should be passed by reference in /customers/a/1/3/razzazi.se/httpd.www/inc/show.news.php on line 140 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 548 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 549 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 563 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 489

ئالأی كوردستان!

هه‌ر گه‌ل و نه‌ته‌وه‌یێك ئالأی نه‌بێ، به‌ واتای ئه‌وه‌یه‌: خۆی نه‌ناسیوه‌ و وشیاریی نه‌ته‌وایه‌تی نییه‌ و به‌وه‌ نه‌گه‌ییشتووه‌ خوازیاری ده‌وڵه‌ت بێ! ئالأ، نیشانه‌ی هه‌بوون و سینبولی یه‌كگرتنی هه‌ر گه‌ل و نه‌ته‌وه‌یێكه‌.
ئالأی كوردستان، له‌ چوار ره‌نگ پێكهاتووه‌، سوور و زه‌رد و سپی و سه‌وز. هه‌رچه‌ند هه‌ر كه‌سێك به‌ گوێره‌ی چه‌شه‌ و مرخی خۆی، ره‌نگه‌كان لێك ده‌داته‌وه‌، ره‌نگی سه‌وز نیشانه‌ی ژیان و درێژه‌ی زینده‌گی و سروشت و گوڵ و گیایه‌، ره‌نگی سوور نیشانه‌ی خه‌بات و تێكۆشان و شۆڕشه‌، ره‌نگی سپی نیشانه‌ی پاكیی و ئاشتیی و به‌فری سه‌ر چیاكانی كوردستانه‌، بوونی رۆژ یان هه‌تاویش له‌ ناو ئه‌و ئالأیه‌دا، ده‌گه‌ڕێته‌وه‌ بۆ (رۆژ په‌رسیی) له‌ ناو كورددا، چونكه‌ كورد هه‌ر له‌ كۆنه‌وه‌ رۆژ په‌رست یان هه‌تاو په‌رست بووه‌، كه‌ ئه‌وه‌ش ده‌گه‌ڕێته‌وه‌ بۆ به‌ر له‌ زه‌ڕده‌شت، واته‌: میترا په‌رستیی یان مێهر په‌رستیی و ئێستاش له‌ زۆر شوێنی كوردستان، جگه‌ له‌ ئیزدییه‌كان و یارسان، یان كاكه‌یی یه‌كان، خه‌ڵك به‌ رۆژ یان هه‌تاو و ته‌نانه‌ت به‌ مانگ و ئه‌ستێره‌ش سوێند ده‌خۆن.
ئێستا كه‌ هه‌لێكی مێژوویی بۆ كورد ره‌خساوه‌، ئاوات و هیوای دڵی هه‌موو كوردێكه‌، سیاسه‌توانانی كورد، ئه‌وه‌ له‌به‌رچاو بگرن و بۆ رای گشتیی نه‌ته‌وه‌كه‌یان رێز دابنێن، چونكه‌ ده‌توانم بڵێم، ئێستا خه‌ڵكی كورد، بۆ ئه‌م ئالأیه‌ی كه‌ هه‌یه‌، رێز داده‌نێ و حه‌ز ده‌كه‌ن، حیزب و رێكخراوه‌كانی كوردستانیش رێزی بۆ دابنێن و وه‌كوو ئالأی نه‌ته‌وه‌یی كورد چاوی لێ بكه‌ن و به‌ ره‌سمییه‌تی بناسن، چونكه‌ ئه‌گه‌ر ئه‌و كاره‌ بكه‌ن، ده‌بێ به‌ ده‌سكه‌وتێكی سیاسی و ئه‌و ئالأیه‌ش ده‌بێ به‌ نیشانه‌ بۆ یه‌كگرتنی گه‌لی كورد و یه‌كێ له‌ ناسنامه‌كانی ناسینه‌وه‌ی گه‌لی كورد له‌ جیهاندا، هه‌تا له‌ یاد و بیرانینگه‌لێكدا كه‌ نه‌ته‌وه‌یین، له‌ وێنه‌ی نه‌ورۆز و یادی هه‌ڵبجه‌ و كۆڕه‌وی باشووری كوردستان و رۆژی كوردستان و زۆر بۆنه‌ و ئاهه‌نگی دیكه‌، به‌رز بكرێته‌وه‌ و هه‌ڵبدرێ.
حیزبه‌ سییاسییه‌كانی كوردستان، ئه‌وانه‌یان كه‌ خه‌باتی نه‌ته‌وه‌ییان كردووه‌، هه‌ر ده‌رفه‌تێك بۆ كورد هاتبێته‌ پێش، ئالأیه‌كیان درووست كردووه‌. شێخ مه‌حمودی نه‌مر، كه‌ حكومه‌تی كوردستانی له‌ سلێمانی راگه‌یاند، سالأنی 1911 تا 1921، ئالأیه‌كی بۆ ئه‌و حكومه‌ته‌ ساز كردووه‌ و هه‌ڵیان داوه‌. ساڵی 1943ی زایینی، (كۆمه‌ڵه‌ی ژێ كاف) له‌ كوردستانی بنده‌ستی ئێران و (حیزبی هیوا) له‌ كوردستانی بنده‌ستی ئێراق و (كۆمه‌ڵه‌ی خۆییبوون) له‌ كوردستانی بنده‌ستی توركییه‌، له‌ چیای دالأنپه‌ڕ، وه‌كوو نوێنه‌رانی سێ پارچه‌ی كوردستان، په‌یمانی سێ سنووریان مۆر كردووه‌ و نه‌خشه‌ی جوغرافیای كوردستانیان ده‌سنیشان كردووه‌ و له‌سه‌ر مه‌سه‌له‌ی كوردستانی گه‌وره‌ رێك كه‌وتوون، هه‌روه‌سا ئالأشیان دیاریی كردووه‌ و ئه‌و ئالأیه‌ی كه‌ له‌ سه‌رده‌می كۆماری كوردستان له‌ مه‌هاباد، مانگێك پێش راگه‌یاندنی كۆماری كوردستان، رۆژی (17/12/1945) هه‌ڵدراوه‌، هی ئه‌و سه‌رده‌مه‌ بووه‌. به‌ڵام خۆی له‌ راستیدا، ئه‌م ئالأیه‌ی كوردستان كه‌ ئێستا له‌ باشووری كوردستان هه‌ڵدراوه‌، ده‌گه‌ڕێته‌وه‌ بۆ سه‌رده‌می كۆمه‌ڵه‌ی خۆییبوون، كه‌ له‌ كوردستانی بنده‌ستی توركیه‌ دامه‌رزاوه‌ و كۆمه‌ڵه‌ی خۆییبوون ئه‌و ئالأیه‌ی درووست كردووه‌! به‌ڵام كاتێك كه‌ شێخ عه‌بدولقادر له‌گه‌ڵ دوكتۆر فوئاد و شێخ سه‌عید و هاوڕێیانی دیكه‌یان ئیعدام كراون، حاجی سه‌یید عه‌بدوڵلأ ئه‌فه‌ندی، كوڕی شێخ عه‌بولقادری ناوبراو، په‌نای هێناوه‌ته‌ به‌ر كوردستانی بنده‌ستی ئێران و ئه‌و ئالأیه‌ی پێشكه‌ش كردووه‌ به‌ كۆمه‌ڵه‌ی ژێكاف له‌ مه‌هاباد و ئه‌وانیش وه‌كوو یادگار هه‌ڵیانگرتووه‌، هه‌تا ئه‌و كاته‌ی كه‌ كۆماری كوردستان له‌ مه‌هاباد دامه‌رزاوه‌! لێره‌شدا ده‌بێ ئاماژه‌ به‌وه‌ بكه‌م كه‌:
رۆژی (22/1/1946)یش، له‌ مه‌هاباد، كه‌ كۆماری كوردستان راگه‌یێندراوه‌، ئه‌و ئالأیه‌یان له‌ جێگای ئالأی ئێران، له‌ سه‌ر بینای دادگای شاری مه‌هاباد هه‌ڵداوه‌ و جگه‌ له‌و ئالأیه‌ش، شه‌هیدی نه‌مر، پێشه‌وا قازی موحه‌مه‌د، وه‌كوو سه‌رۆكی كۆماری كوردستان له‌ مه‌هاباد، له‌ ژووری كاره‌كه‌یدا، نه‌خشه‌ی كوردستانی هه‌ڵواسیووه‌!
به‌ڵام به‌داخه‌وه‌، له‌ پاش له‌ده‌سچوون و رووخاندنی ئه‌و دوو حكومه‌ته‌ به‌ ده‌ستی دوژمنان و داگیركه‌رانی كوردستان، حیزبه‌ نه‌ته‌وه‌یی یه‌كانی كوردستان، به‌تایبه‌ت ئه‌وانه‌یان كه‌ به‌ناو خه‌باتی نه‌ته‌وایه‌تییان كردووه‌، له‌به‌ر چه‌ندین هۆكاری سیاسیی ناوه‌وه‌ و ده‌ره‌وه‌، بیری ئۆتۆنۆمی و مافی چاره‌نووس و خودموختارییان له‌ناو خه‌ڵكدا بلأو كرده‌وه‌ و ئالأی كوردستان و سه‌ربه‌خۆیی كوردستانیان له‌بیر كرد، ته‌نانه‌ت ساڵی 1979ی زایینی كه‌ شایان له‌ ئێران ده‌ركرد و كۆماری ئیسلامی هاته‌ سه‌ركار، به‌ڕێوه‌به‌رانی حیزبی دێمۆكرات كه‌ حیزبێكی نه‌ته‌وه‌یی یه‌، نه‌ ته‌نیا شه‌قامێكیان به‌ ناوی شاعیر یان تێكۆشه‌رێكی كورده‌وه‌ نه‌كرد، ئیتر حیزبه‌كانی دیكه‌ با بوه‌ستێ، به‌ڵكوو ئالأی كوردستانیان له‌ هیچ شوێنێك هه‌ڵنه‌دا، ناوازه‌ ئه‌و كاته‌ی كه‌ كوردستانمان به‌ ده‌سته‌وه‌ بوو!
راسته‌ كوردستان و خه‌ڵكی كورد به‌ هۆی بارودۆخی سیاسییه‌وه‌ له‌ پاودانێكی ناسك و هه‌ستیاردایه‌ و داگیركه‌ره‌كانیشی ئه‌و مافه‌ی پێ ره‌وا نابینن، به‌ڵام به‌ داخه‌وه‌ حیزبه‌كانی كوردستان كه‌ نوێنه‌ری خه‌ڵكی كوردن، ئه‌و مافه‌ به‌ خۆیان و خه‌ڵكی كورد ره‌وا نابینن كه‌ ئالأی كوردستان، وه‌ك نیشانه‌یێكی نه‌ته‌وه‌یی به‌رز بكه‌نه‌وه‌ و بیكه‌ن به‌ سیمبۆڵی نه‌ته‌وه‌یی خۆیان، به‌ڵام ئه‌وه‌ ماوه‌یێكی زۆره‌، جێگای خۆشحاڵییه‌ و شانازیێكی گه‌وره‌یه‌ كه‌ پارتی و یه‌كیه‌تی له‌ باشووری كوردستان، ئه‌و ئالأیه‌یان له‌ بان پارله‌مانی كوردستان و زۆر شوێنی دیكه‌وه‌ هه‌ڵداوه‌، هه‌رچه‌ند دره‌نگ فریا كه‌وتن، وه‌لێ دیسان پێم وایه‌ كه‌ ئه‌وه‌ مافی ره‌وای میلله‌تی كورده‌ و جێی خۆیه‌تی، له‌ راستیشدا پارتی دێمۆکراتی کوردستانی باشوور یه‌که‌م رێکخراوه‌ی کوردیییه‌ که‌ ئاڵای کوردستانی له‌ شاره‌کانی کوردستان هه‌ڵدا. حیزبه‌كانی دیكه‌ی هه‌ر چوار پارچه‌ی كوردستانیش، له‌م كاته‌دا كه‌ پرسگرێكی كورد وه‌كوو پرسگرێكێكی نه‌ته‌وه‌یی سیاسی چاوی لێ ده‌كرێ، ئالأی كوردستان شانبه‌شانی ئالأی حیزبه‌كه‌ی خۆیان هه‌ڵبده‌ن، چونكه‌ سه‌رده‌م، سه‌رده‌می خه‌باتی نه‌ته‌وایه‌تییه‌ و ده‌توانم بڵێم: زۆربه‌ی زۆری خه‌ڵكی كورد، ئاواته‌خواز و خوازیاری رزگاریی كوردستانن و بۆ پاراستنی زمانی كوردیی كه‌ كۆڵه‌كه‌ی هێشتنه‌وه‌ی گه‌لی كورده‌ خه‌بات ده‌كه‌ن و تێده‌كۆشن.
تا ئه‌و جێگایه‌ش من ئاگادار بم و بیستوومه‌، كۆمه‌ڵه‌ی شۆڕشگێڕی زه‌حمه‌تكێشانی كوردستانی بنده‌ستی ئێران، به‌ زۆربه‌ی ده‌نگ، به‌وه‌ گه‌ییشتوون، ئالأی كوردستان له‌ پاڵ ئالأی كۆمه‌ڵه‌، له‌ باره‌گا و مه‌قه‌ڕ و ئوردووگاكانیاندا هه‌ڵبده‌ن و ئه‌مه‌ش جێگای خۆشحاڵییه‌ بۆ گه‌لی كورد، چونكه‌ چه‌نده‌ خۆشه‌ویستن، ئه‌وه‌نده‌ی دیكه‌ش خۆشه‌ویست ده‌بن.
ئێمه‌ كه‌ له‌ و‌ڵاتی سوید ده‌ژین و حكوومه‌تێكی سووسیال دێمۆكراته‌، هه‌ر هه‌موو حیزبه‌كانی ئه‌م و‌ڵاته‌، به‌ چه‌پ و راستییه‌وه‌، بێ ئه‌وه‌ی ده‌نگیشی بۆ بده‌ن، ئالأی سویدیان به‌ ئالأی نه‌ته‌وه‌یی خۆیان ناسیوه‌.
هیوادارم حیزبه‌كانی كوردستان و خه‌ڵكی كورد به‌ گشتیی، ئالأی كوردستان، وه‌كوو ئالأی نه‌ته‌وه‌یی گه‌لی كورد، له‌ خۆنیشاندان و كۆڕ و كۆبوونه‌وه‌ و ئاهه‌نگ و یادكردنه‌وه‌كاندا، شێلگیرانه‌ و لێبڕاوانه‌، به‌رز بكه‌نه‌وه‌ و شانازیی پێوه‌ بكه‌ن.
له‌ كاتی ئێستادا و له‌ رۆژێكی وه‌ها ناسك و هه‌ستیاریشدا، ده‌بێ، حیزبه‌كان ئه‌مه‌ش نه‌كه‌ن به‌ پێشبڕكێ و ناكۆكی كه‌ چ حیزب و لایه‌نێك درووستی كردووه‌، یان زووتر هه‌ڵیداوه‌، گرنگ ئه‌وه‌یه‌ كه‌ هه‌موو حیزبه‌كان و خه‌ڵكی كورد به‌ گشتیی په‌سندی بكه‌ن و به‌ ره‌سمییه‌تی بناسن.
ناسری ره‌زازی. ستۆكهۆڵم، 27/9/2003




          Design by Chia
Biyografi Film