Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 489 Razzazi
Strict Standards: Only variables should be passed by reference in /customers/a/1/3/razzazi.se/httpd.www/inc/show.news.php on line 140 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 548 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 549 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 563 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 489 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 548 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 549 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 563 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 489 Deprecated: preg_replace(): The /e modifier is deprecated, use preg_replace_callback instead in /customers/a/1/3/razzazi.se/httpd.www/inc/show.news.php on line 227 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 548 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 549 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 563 Strict Standards: Only variables should be passed by reference in /customers/a/1/3/razzazi.se/httpd.www/inc/functions.inc.php on line 489 Deprecated: preg_replace(): The /e modifier is deprecated, use preg_replace_callback instead in /customers/a/1/3/razzazi.se/httpd.www/inc/show.news.php on line 228

که‌س دۆستی کورد نییه‌!

ئه‌وه‌ بۆ ساڵێک ده‌چێ، ئه‌م گوتاره‌م نووسیوه‌، به‌ڵام هه‌ر بڵاوم نه‌کرده‌وه‌ هه‌تا ئێستا، چونکه‌ له‌مکاته‌دا که‌ گه‌رمه‌ی کێشه‌ و ململانێ کورد و عه‌ره‌به‌ له‌ به‌غدا‌، به‌ باشم زانی بینێرم بۆ سایته‌کان.

ئه‌گه‌ر چاوێک به‌ (دێره‌کۆ)ی شۆڕشه‌کانی کوردستاندا بگێڕ‌ین، بۆمان ده‌رده‌که‌وێ هه‌تاوه‌کوو ئێستا: کورد له‌ شه‌ڕدا زۆرجار سه‌رکه‌وتوو بووه‌، به‌ڵام هه‌میشه‌ له‌ سه‌ر مێزی گفتوگۆ (گوتوبێژ)، ناسه‌رکه‌وتوو هه‌ستاوه‌! کورد له‌ شه‌ڕدا ئازایه‌، به‌ڵام له‌ سیاسه‌تدا ناشاره‌زایه‌، له‌ دیالۆگدا بوێر نییه‌ و له‌ گوتوبێژدا سوێڕ نییه‌، چونکه‌ زانای لێزانمان‌ له‌ بواری سیاسه‌تدا که‌مه،‌ ئه‌مه‌ش بۆ کورد له‌ کاتی ئێستادا سته‌مه‌! هه‌ر ئه‌وه‌ش وای کردووه‌ که کورد،‌ کورت بێنێت! ئیتر خاپاندن و کوشتنی سه‌رۆک و رێبه‌رانی کوردیش به‌ جێگای خۆی، له‌ شێخ سه‌عیدی پیرانه‌وه‌ بگره‌، تا ده‌گاته‌ شه‌ره‌فکه‌ندی!

سیاسه‌ت چه‌ندین رووی هه‌یه‌: یه‌که‌م: سیاسه‌ت وه‌کوو به‌رباسه‌کانی دیکه‌، زانسته‌ و له‌ قوتابخانه‌ و زانکۆدا، وه‌کوو هه‌نده‌سه‌ و شیمی و فیزیک و هیدیکه‌، ده‌بێ بیخوێنی تا فێری ببی و لێی بزانی! دووهه‌م: له‌ هه‌مان کاتیشدا، سیاسه‌ت هونه‌ره‌ و ئه‌وه‌ی که‌ سیاسه‌ت ده‌کا، ده‌بێ بزانێ چۆن هه‌ڵسوکه‌وت له‌گه‌ڵ به‌رانبه‌ره‌که‌ی ده‌کا، بۆ ئه‌وه‌یکه‌ بیناسێ، هه‌تا بتوانێ به‌سه‌ریدا زاڵ ببێ و به‌و ئامانجه‌ی که‌ ده‌یهه‌وێ، بگا! سێهه‌م: له‌ هومووی ئه‌مانه‌ سه‌رووتر، سیاسه‌ت، ئاکار (ا‌خلاق) نییه‌، به‌ڵکوو به‌رژه‌وه‌ندیی (منفعت)ه‌! که‌ وابوو، ئه‌وه‌ی که‌ سیاسه‌ت ده‌کا، ده‌بێ شه‌رم نه‌کا و سۆز و خۆشه‌ویستیی وه‌لا نێ و ئه‌وه‌نده‌ ته‌ڕده‌ست بێ، که‌ تێیدا شکست نه‌بینێ و نه‌به‌زێت!

فه‌رهه‌نگی رۆژهه‌ڵاتی ناوه‌ڕاست، فه‌رهه‌نگێکی دواکه‌وتووه‌! جوغرافیای گه‌لی کوردیش له‌ناو ئه‌م فه‌رهه‌نگه‌دا هه‌ستاوه‌ و وه‌ستاوه‌! كورد کێشه‌ی زۆره‌، یه‌کێکیان ناته‌بایی حیزبه‌کان و نه‌بوونی فه‌رهه‌نگی تێکۆشان و خه‌باته‌ به‌ شێوه‌یێکی شارستانییانه‌ و ئه‌مڕۆژیی. سیاسه‌ت له‌ چوارچێوه‌ی (پێشبڕکێی ناسالم و دوور له‌ عه‌داڵه‌تخوازیی حیزبه‌کان) له‌ کوردستان، کارێکی کردووه‌، کۆمه‌ڵگای کوردستانی تووشی کێشه‌ کردووه‌ و برای له‌ برا و خوشکی له‌ خوشک و بابی له‌ رۆڵه‌ و ژنی له مێرد، کردووه‌ به‌ دوژمن! له‌کاتێکا له‌ وڵاتانی پێشکه‌وتوو که‌ فه‌رهه‌نگ‌ له‌ سیاسه‌ت، له‌پێشتره‌، ئاوه‌ها سیاسه‌ت ناکرێت، به‌و شێوه‌یه‌ی که‌ له‌ رۆژهه‌ڵاتی ناوه‌ڕاستدا باوه!

راسته‌ حیزبه‌کان له‌ رووه‌وه‌ وا نیشان ده‌ده‌ن, یه‌کڕیزیی خۆیانیان پاراستووه‌، به‌ڵام له‌ بنه‌وه‌ هیشتا نه‌یانتوانیوه‌ له‌ سه‌ر گرفته‌کانی خۆیان گوتوبێژ بکه‌ن و کێشه‌کانی خۆیان چاره‌سه‌ر بکه‌ن! ئه‌مانه‌ و زۆر کێشه‌ی دیکه‌ی کۆمه‌ڵایه‌تی ئابووری وایکردووه‌، کوردستان نه‌توانێ ببێ به‌ کۆمه‌ڵگایه‌کی مه‌ده‌نی و هه‌ر‌ ده‌بێ حیزب حوکمی بکا! ره‌نجی چه‌ندین ساڵی کورد له‌ هه‌موو کوردستان، بۆته‌ ئه‌و پارله‌مانه‌ی کوردستانی باشوور، که‌ نێوی نراوه‌ (ئه‌نجومه‌نی هه‌رێم!)، به‌ڵام پارله‌مانێکی حیزبییه‌ و نه‌یتوانیوه‌ ببێ به‌ نوێنه‌ری راسته‌قینه‌ی خه‌ڵک له‌و پارچه‌یه‌، چونکه‌ حیزب به‌ سه‌ریدا زاڵه‌! زۆر بڕیار هه‌یه‌،‌ پارله‌مان ناتوانێ ده‌نگیان له‌ سه‌ر بدات، له‌به‌ر ئه‌وه‌ی که‌ هه‌موویان لایه‌ندارن له‌ناو پارله‌مان، جگه‌ له‌ یه‌ک دووکه‌س نه‌بێ، که‌ خۆیان به‌ بێلایه‌ن ده‌زانن!

ئه‌وه‌ بۆ پێنج ساڵ ده‌چێ، کورد خه‌ریکی شه‌ڕی سیاسی دیپلۆماسییه‌ له‌ به‌غدا، به‌ڵام به‌داخه‌وه‌، یه‌کێک له‌و پرسگرێکانه‌ی که‌ نه‌یهێشتووه‌ تێیدا سه‌رکه‌وێ، ئه‌وه‌یه‌ کورد له‌ به‌غدا لایه‌نێکی که‌مه‌ و به‌هێز نییه‌ و له‌ پارسه‌نگی ده‌نگ و هێزدا، له‌ عه‌ره‌ب ژماره‌ی که‌متره‌! به‌شێکیشی ئه‌وه‌یه‌ داگیرکه‌رانی کوردستان ده‌یانه‌وێ له‌ بنه‌وه‌ حیزبه‌کوردییه‌کان‌ تووشی کیشه‌ بکه‌ن و نه‌هێڵن به‌یه‌کجاریی یه‌کبگرن و هه‌رده‌م له‌ کیشه‌ و شه‌ڕ و گرفتدا بیانهێڵنه‌وه‌! من دژی ئه‌وه‌ نیم کورد له‌ سیاسه‌تدا سازش بکا و نه‌رم بێ و دروشمی بریقه‌داری، وه‌کوو: (عه‌ره‌ب برای ئێمه‌یه‌ و فارس هاوخوێنمانه‌ و تورک موسڵمانی سوننه‌یه‌ و هیدیکه)، به‌کار به‌رێ، به‌ڵام ده‌بێ ئه‌وه‌ له‌به‌رچاو بگرێ که‌ هیچکام له‌م نه‌ته‌وه‌ سه‌رده‌ستانه‌ دان به‌ مافی کورددا نانێن و دوژمنی بێئه‌ملاوئه‌ولای کوردن.

سه‌رکردایه‌تی سیاسی کورد، نه‌ده‌بوو به‌شداریی دامه‌زراندنی ده‌وڵه‌ت و ده‌سه‌ڵاتی ئێراقی بکردبایه‌، به‌تایبه‌ت دوای وه‌لانانی جه‌عفه‌ریی و هێنانی مالیکی‌، ئه‌گه‌ریش کردیان، نه‌ده‌بوو چاره‌نووسی که‌رکووک بخه‌نه‌ ده‌نگدان و دوارۆژی تووشی پاودانی ئێستا بکه‌ن! من هه‌ر له‌ سه‌ره‌تای ژیانی خه‌باتگێڕیمه‌وه‌ دژی ئه‌و دروشمه‌ ناڕه‌وایه‌ی (دێمۆکراسی بۆ ئێران و خودمۆختاری بۆ کوردستان!!) بوومه‌! ئه‌وه‌ ئاوات و ئاره‌زووی خه‌ڵکی کورد نییه و قۆناخی که‌مکه‌م چوونه‌پێشه‌وه‌ش نییه‌! خه‌ڵکێک بۆ خۆی دواکه‌وتووی ده‌ستی مه‌زهه‌ب بێت، منی له‌و دواکه‌وتووتر چۆن ده‌توانم به‌ره‌و دێمۆکراتیزه‌بوونی به‌رم؟! له‌ راستیدا خه‌بات بۆ چه‌سپاندنی ده‌سه‌ڵاتگه‌لێکی ئاوه‌ها، خه‌باته‌ بۆ بنده‌ستکردنی کورد و سه‌رده‌ستڕاگرتنی نه‌ته‌وه‌ی باڵاده‌ست، ئێستا هه‌ر له‌ پارچه‌یه‌ک بێت! ئێمه‌ هه‌زاران ساڵه‌ بنده‌ستی ئه‌مانه‌ین و ئه‌زموونمان هه‌یه‌، ده‌نا ئه‌گه‌ر ئامریکا راست ده‌کا، با به‌بێ چه‌ک له‌ ئێراق و له‌ ناوچۆمان (بین النهرین)دا بمێنێته‌وه‌ و ده‌م له‌ دێمۆکراتیزه‌کردنی رۆژهه‌ڵاتی ناوه‌ڕاست بدا، بزانه‌ به‌ دوو رۆژ سه‌ری تێدا ده‌چێ یان نه‌؟ فه‌رهه‌نگی کۆمه‌ڵایه‌تی و فه‌رهه‌نگی سیاسی رۆژهه‌ڵاتی ناوه‌ڕاست، فه‌رهه‌نگێکی دواکه‌وتووه‌!

له‌ دامه‌رزانی ده‌وڵه‌تی ئێراقه‌وه‌ هه‌تا ئێستا، چه‌ندین جار ده‌ستووری ئێراق نووسراوه‌ته‌وه‌، به‌ڵام به‌داخه‌وه‌ کورد هیچ نه‌خشێکی تێدا نه‌بووه‌، ئه‌و ده‌سه‌ڵاتانه‌ی که‌ فه‌رمانڕه‌واییان کردووه‌، هیچکامێکیان مافه‌کانی کوردیان ده‌سته‌به‌ر نه‌کردووه‌ و له‌باتی کوردستانیان تووشی گه‌وره‌ترین كاره‌ساتی نه‌ته‌وه‌یی کردووه‌ وه‌کوو‌: به‌عه‌ره‌بکردن، گواستنه‌وه‌، هه‌ڵداشتن، ئه‌نفال، كیمیاباران، تێكدانی سروشتی كوردستان، هه‌ڵته‌كاندنی بنچینه‌كانی ئابوری دێهات و هه‌ڵوه‌شاندنی ته‌ونی كۆمه‌ڵایه‌تی كۆمه‌ڵگای كوردستان!
وه‌کوو به‌ڕێز نه‌وشیروان مسته‌فا له‌ گوتاری: (دیسانه‌وه‌ ماده‌ی 140:
هه‌ڵسه‌نگاندنێکی جیاواز)دا نووسیویه‌تی: دوا قۆناغی گفتوگۆکانی نوسینی قانونی ئیداره‌ی ده‌وڵه‌تی عیراق، بۆ ماوه‌ی گواستنه‌وه، له‌ نێوان نوێنه‌رانی کورد و عه‌ره‌ب و ئه‌مه‌ریکا،‌ له‌ تاریکیدا و، له‌ پشتی خه‌ڵکه‌وه‌ ئه‌نجام دران، نوێنه‌رانی کورد له‌و گفتوگۆیانه‌دا بۆ رازیکردنی ئه‌مه‌ریکا و عه‌ره‌بی عیراق، ده‌ستیان له‌ هه‌ندێ به‌رژه‌وه‌ندی کورد شل کرد و‌،‌ سێیه‌کی ئه‌رزی کوردستانی عیراقیان خسته‌سه‌ر (رێگای هات و نه‌هات)ی بازاڕی "ئیستیفتا"وه‌.

که‌وابوو به‌ پێی ئه‌م پێناسه‌یه‌ و ناوه‌ڕۆکی ناوه‌وه‌ و ده‌ره‌وه‌ی ئه‌م ده‌سه‌ڵاته‌ی ئێستا، که‌ عه‌ره‌بی شیعه‌ به‌ڕێوه‌ی ده‌با، ئه‌م جاره‌ش وا ده‌رده‌که‌وێ، کورد نه‌توانێ مافه‌کانی خۆی به‌ ئاسایی و به‌بێ کێشه‌ له‌ ده‌ستووری ئێراقدا بگونجێنێ، ئه‌مه‌ له‌به‌ر ئه‌وه‌ نییه‌ که‌ کورد که‌مکاره‌، به‌ڵکوو زاتی عه‌ره‌ب و تورک و فارس، ئاوه‌هایه‌ که‌ به‌ هیچ شێوه‌یه‌ک ئاماده‌ نین، له‌گه‌ڵ کورد رێبکه‌ون، چونکه‌ وا گۆشکراون‌ کورد به‌ بنده‌ستی خۆیان ده‌زانن! داگیرکه‌رانی کوردستان و ئه‌و خه‌ڵکه‌ی که‌ له‌گه‌ڵیانن، کورد به‌ کۆیله‌ و ژێرماڵه‌ی خۆیان ده‌زانن!

ئێستا زۆربه‌ی خه‌ڵک ده‌ڵێن: سه‌رکردایه‌تی کورد له‌ به‌غدا، نه‌یانتوانییوه‌ ئه‌رکه‌ نه‌ته‌وه‌ییه‌کانی خۆیان به‌جێ بێنن و نه‌یانتوانیوه‌ هه‌نگا و به‌ هه‌نگاو له‌گه‌ڵ رووداوه‌کاندا بڕۆنه‌ پێش و نه‌یانتوانیوه‌، به‌ نه‌خشه‌ و پلان، ئامانجه‌کانی خۆیان بپێکن! دیسان خه‌ڵکێک هه‌ن ده‌ڵێن: یه‌کێک له‌ کێشه‌کانی کورد ئه‌وه‌یه‌، له‌ سه‌ره‌تاوه‌ به‌ نه‌خشه‌ و پلان کاری بۆ نه‌کردووه‌ و له‌به‌ر ئه‌وه‌ی که‌ کورد بنده‌ست بووه‌ و کاربه‌ده‌ست نه‌بووه‌، ئه‌زموونی که‌مه‌ له‌ کار و باری ئیداری و ئورگانی ده‌وڵه‌ت و ده‌سه‌ڵاتدا. کورد زیاتر حیزبایه‌تی کردووه‌ و خه‌ریکی شه‌ڕ بووه‌، تا ئه‌وه‌ی که‌ به‌ سیسته‌م چووبێته‌ پێش!

دیسان خه‌ڵکێک هه‌ن ده‌ڵێن: ئێمه‌ی کورد تازه‌ خه‌ریکین فێری یاسا و رێسای ده‌سه‌ڵات ده‌بین، لێشمان مه‌گرن چونکه‌ ره‌نگه‌ هه‌ر نه‌شیزانین، بۆیه‌، حیزبایه‌تی و ئه‌و شێوه‌خه‌باتکردنه‌ی که‌ له‌لای کورد هه‌یه‌ له‌ کوردستان‌، ره‌پۆشه‌یێکی وای درووست کردووه‌، دووره‌ له‌ هه‌ڵسوکه‌وتی کۆمه‌ڵگایێکی مه‌ده‌نی!

راسته‌ کورد له‌به‌غدا، ململانێ و مشتومڕ و کێشه‌ی زۆره‌ له‌گه‌ڵ عه‌ره‌ب و عه‌ره‌بیش، خۆیان به‌ خاوه‌نی کوردستان ده‌زانن و ئێمه‌ به‌ بنده‌ست! به‌ڵام ده‌بێ ئه‌وه‌ بزانین: نه‌ عه‌ره‌ب، نه‌ تورک، نه‌ فارس، هیچکامێکیان دۆستی کورد نین و هه‌رهه‌موویان به‌ پێشکه‌وتوو و پاشکه‌وتوویانه‌وه‌ کورد به‌ بنده‌ستی خۆیان ده‌زانن و، وا بردوویانه‌ته‌ ناو مێشکیان که‌ ئه‌و خاکه‌ی کوردی له‌سه‌ر ده‌ژی، ئه‌وان به‌خشیویانه‌ به‌ کورد و ئێمه‌ی کوردیش سه‌پانین له‌سه‌ر ئه‌و خاکه‌ و نۆکه‌ری ئه‌وانین! ئێستاش ئه‌گه‌ر کورد هه‌موو ئه‌و مافانه‌ له‌ ده‌ستووری ئێراقدا جێگیر بکا و بیگونجێنێ، دیسان عه‌ره‌ب، به‌ شیعه‌ و به‌ سوننه‌شیه‌وه‌، ئاماده‌ نین دان به‌ مافه‌کانی کورددا بنێن! ئه‌مه‌ خۆ جاری یه‌که‌م نییه‌ کورد له‌گه‌ڵ عه‌ره‌ب له‌ ئێراقدا کێشه‌ی هه‌یه‌؟!

هه‌موومان ده‌زانین،‌ سه‌رکردایه‌تی کورد، هه‌ر له‌ سه‌ره‌تاوه‌ ده‌بوو، سنووری هه‌رێمی کوردستانی دیاری بکردبایه‌ و حیزبه‌کانی کوردستان، به‌تایبه‌ت پارتی و یه‌کیه‌تی، ده‌یانتوانی هه‌ر له‌ رۆژی یه‌که‌مه‌وه‌، کێشه‌ی که‌رکووک چاره‌سه‌ر بکه‌ن، به‌ڵام به‌ داخه‌وه‌ ئه‌وان له‌ که‌رکووک حیزبایه‌تییان کرد و که‌وتنه‌ پێشبڕکێی ئه‌وه‌ که‌ کامه‌یان خه‌ڵکیان له‌وی دیکه‌ زۆرتره‌ و کامه‌یان بنکه‌ و باره‌گای زۆرتر دابمه‌زرێنێ! ئه‌مه‌ وایکرد‌ ئه‌و دوو حیزبه‌ی تووشی له‌خۆباییبوون و هه‌ڵچوون کرد! له‌لایه‌کی دیکه‌ش هه‌ڵه‌یێکی دیکه‌یان کرد، ئه‌ویش ئه‌وه‌ بوو،‌ نه‌یانتوانی کارێک بکه‌ن که‌مه‌نه‌ته‌وه‌کانی دیکه‌ی که‌رکووک رازی بکه‌ن، یان ئه‌وه‌ی دڵنیایان بکه‌ن که‌ ده‌توانن پارێزه‌ری مافه‌کانیان بن. بۆ نموونه‌ ئه‌گه‌ر ئوستانداری که‌رکووک، کورده‌، با نوێنه‌ره‌که‌شی تورکمان بێ، بۆ مه‌گه‌ر چی روو ده‌دا، ئه‌وه‌ زیاتر ئه‌وان دڵنیا ده‌کا که‌ کورد ئه‌گه‌ر ببێته‌ ده‌سه‌ڵاتدار، ده‌توانێ مافه‌کانی ئه‌وان بپارێزێ، چونکه‌ ئه‌وانیش وا بیر ده‌که‌نه‌وه‌ وه‌کوو کورد سته‌میان لێکراوه‌! ئه‌و حیزبانه‌ ئه‌مه‌شیان نه‌کرد!

کورد هه‌لێکی باشی له‌ ده‌ست خۆی دا، چونکه‌ ده‌یتوانی بۆ تورکمان و عه‌ره‌بی کۆنه‌مێنگه‌ و سریان و کلدانی بسه‌لمێنێ که‌ کورد به‌یه‌کچاو تماشای هه‌موویان ده‌کا. ئه‌گه‌ر حیزبه‌کانی کوردستان یان ده‌سه‌ڵاتی کورد له‌ که‌رکووک ئه‌و کاره‌ی بکردبا، ئه‌مڕۆ ئه‌وانیش له‌م کاته‌دا که‌ کورد که‌وتۆته‌ ته‌نگانه‌وه‌ به‌هانایه‌وه‌ ده‌هاتن، به‌ڵام به‌ داخه‌وه‌ ئه‌م کاره‌ی ئه‌م حیزبانه‌ کوردی تووشی ئه‌م کێشه‌یه‌ی ئه‌مڕۆ کرد!

گرنگ ئه‌وه‌یه‌ کورد ده‌بێ ئه‌زموون له‌ هه‌ڵه‌ سیاسییه‌کانی خۆی وه‌ربگرێ و ئه‌زموونه‌کانی پێشووی بێنێته‌وه‌ به‌رکار! له‌مکاته‌دا کورد ده‌بێ خۆی له‌ چه‌ک و شه‌ڕ، دوور رابگرێ، هه‌رچه‌ند ئه‌م هه‌نگاوهه‌ڵگرتنه‌ له‌ رۆژهه‌ڵاتی ناوه‌ڕاستدا زه‌حمه‌ته‌، به‌ڵام دنیا دنیای دیالۆگ و عه‌قڵ و ژیربێژییه‌. کورد ده‌بێ خۆی له‌ شه‌ڕ و پێکدادان دوور بگرێ و کارێک نه‌کا که‌ بکێشرێته‌ ناو گۆڕه‌پانی شه‌ڕه‌وه‌! شه‌ڕ تووشی کێشه‌ی ده‌کا و ئه‌و ده‌سکه‌وتانه‌ش که‌ تا ئێستا وه‌ده‌ستی هێناون، ده‌یدۆڕێنن! له‌باتی شه‌ڕ، کورد ده‌بێ تێبکۆشێ ئابوورییه‌کی که‌ڵان و سه‌قامگرتوو له‌ کوردستان په‌ره‌ پێ بدا. کات که‌مه‌، هه‌رچه‌ند بڕێ شت له‌ده‌ست درا و کاتێکی زۆرمان له‌ ده‌ست ده‌رچوو، به‌ڵام دیسان کورد ئه‌گه‌ر بیهه‌وێ و بوێر بێ و ئه‌ژماروهه‌ژماری ده‌وروبه‌ری خۆی باش بخوێنێته‌وه،‌ هێشتا هه‌ل ماوه‌ و ده‌توانێ که‌ڵکی لێوه‌ربگرێ‌. چونکه‌ ئه‌و به‌ڕێزانه‌ی که‌ له‌ به‌غدان، بۆیان گێڕاوینه‌ته‌وه‌ که‌: ئه‌و پێنج ساڵه‌، هه‌ر خه‌ریکی شه‌ڕ و ململانێ و چه‌نه‌به‌چه‌نه‌ و سه‌رێشه‌ و به‌ربه‌ره‌کانێ بوونه‌ تا توانیویانه‌ مادده‌یه‌ک جێگیر بکه‌ن‌!

له‌کۆتاییدا، كورد ده‌بێ سوور و سوێڕ بێت له‌سه‌ر جێبه‌جێكردنی‌ مادده‌ی‌ 140 و ده‌سنیشانکردنی سنووره‌کانی ئه‌و به‌شه‌ له‌ کوردستان و چه‌نوچۆن (مساومه‌) له‌سه‌ر ئه‌و ماده‌ه‌یه‌ نه‌كات، ئه‌گه‌ر ئاوه‌ها بێت، هیچکامێکیان له‌ده‌ست ناچن، له‌لایه‌کی دیکه‌شه‌وه‌ ده‌بێ،‌ ڕێگا به‌ ده‌سه‌ڵاتی‌ مالكی‌ نه‌درێت كۆسپ و کێشه‌ له‌به‌رده‌م جێبه‌جێكردنی‌ (ماده‌ه‌ی‌ 140) و ئه‌م خواسته‌ڕه‌واگه‌له‌دا دروست بكات. کورد ده‌بێ پێداگر بێ و سیاسه‌تی هه‌بێت، چونکه‌ به‌ پێی هه‌ڵسه‌نگاندنی زۆربه‌ی سیاسه‌توانانی ناوچه‌که‌ و ده‌ره‌وه‌، ئامریکا پێویستی به‌ کوردستانه‌ و کورد ده‌بێ له‌مکاته‌دا له‌و حوکوومه‌ته‌ی مالکی خۆی بکێشێته‌ دواوه‌ و با وه‌کوو کوتله‌ی سه‌در و ئه‌وانی دیکه‌، بۆ جارێکیش بووبێ، به‌ ئامریکا و ئێراق و دۆست و دوژمنی بسه‌لمێنین که‌ ئێمه‌ش هه‌ینو چاومان لێ زه‌ق مه‌که‌نه‌وه،‌ چونکه‌ ده‌توانین خۆمان به‌ڕێوه‌ به‌رین و مافی خۆمانه‌ ده‌وڵه‌ت و ده‌سه‌ڵاتمان هه‌بێ و هه‌شمانه‌ و ئه‌وه‌ چه‌ندین ساڵیشه‌ به‌ڕێوه‌ی ده‌به‌ین و هه‌تا ماویشین به‌ چنگ و ددان رایده‌گرین. ئیتر بۆ چاومان لێ زه‌ق ده‌که‌نه‌وه‌؟‌!
ناسری ره‌زازی، ستۆکهۆڵم، 10/9/2008




          Design by Chia
Biyografi Film